Auzoak

Igeldo

Izen bereko mendian kokatzen da Igeldo, Donostiako mendebaldean eta Usurbil zein Oriorekin muga eginez. 

Zubietarekin batera, bere landa gune izaera hobekien mantentzen duen auzoa da.

XX mendeko hamarkada ezberdinetan txalet moduko etxebizitza ugari, jatexeak, eta kanping bat eraiki izan ziren. 80. hamarkadan Babes Ofizialeko etxebizitzak eraiki ziren. 2000. urtean 964 pertsona bizi ziren Igeldon eta 2022ko abenduko erroldaren arabera 1068.

2025eko martxoaren 6ean 2027ko maiatza arte Igeldoko Toki Erakunde Txikia zuzenduko duen batzorde kudeatzailea eratu zen. Behin-behineko batzorde kudeatzailearen ordezkariak Gipuzkoako Foru Aldundiak izendatu ditu, aplikatu beharreko hauteskunde-araudian xedatutakoaren arabera eta Hauteskunde Batzorde Zentralaren adostasunarekin. Horretarako, erakundea eratzeko sekzioan edo ataletan azken udal-hauteskundeetan izandako emaitzak hartu dira kontuan.

DonostiaDatan lurralde honi buruzko informazio demografikoa aurkitu daiteke.