Urtero bezala, jai giroan gertatzen diren eraso sexista eta sexu-erasoen aurkako prebentzio eta arreta kanpaina prestatu du Donostiako Udaleko Berdintasun Sailak. Kanpainak ekainetik abendura arte iraungo du, eta hainbat jardute esparru izango ditu.

Informazio eta material guztia ezezetzda.eus webgunean dago jasota, baita orrialde honen amaieran ere.

Alde batetik, informazio baliagarria duten hainbat material prestatu dira lau hizkuntzatan: euskaraz, gaztelaniaz, frantsesez eta ingelesez, eta zuzenduta daude:

• neska-mutil gazteei,
• hiritarrei oro har,
• ostalaritzako langileei,
• eta taxi gidariei.

Material horietan prebentziorako informazioa eta eraso sexista zein sexu-erasoen aurrean jarduteko gomendioak jaso dira. Era berean, udan hirian izaten diren bisitari kopurua dela eta, turistak maiz joaten diren eremuetan ere egingo da kanpaina, hala nola, hondartzetako taberna eta kabina kolektiboetan, eta hotel, ostatu eta bestelako establezimendu turistikoetan ere.

Puntu Morea: eraso sexisten aurkako informazio eta artatze puntua

Hiriko hainbat jaietan Puntu Morea jarriko du udalak:

• indarkeria eta portaera matxistekiko jendeak duen sentsibilizazioa egingo da,
• botere eta/edo menderatze harremanak prebenitzeko beharraz ohartaraziko da,
• errespetuan oinarritutako harreman afektibo-sexualak sustatuko dira,
• jaietan indarkeria sexistako kasurik gertatuz gero, erasoa jasan duten pertsonei arreta emango zaie bertan.

Puntu Moreen egunak, ordutegiak eta kokapenak

JAIAK	EGUNAK	ORDUTEGIAK	KOKALEKUA
San Joan	Ekainaren 23a, igandea	19:00 – 01:00	Zurriolako zubiaren ondoan
Karmengo jaiak	Uztailaren 13a, larunbata	22:30 – 04:30	Boulevardeko kioskoa
Zipotz jaiak (Gros)	Uztailaren 20a, larunbata	21:00 – 03:00	Katalunia plaza
Jazzaldia	Uztailaren 24a, 25a, 26a eta 27a (asteazkena, osteguna, ostirala eta larunbata)	20:00 – 01:30	Zurriolako zubiaren ondoan
Aste Nagusia	Abuztuaren 10etik 17ra	13:00 – 10:00	Boulevardeko kioskoa
Euskal Jaiak	Sagardo Eguna eta Estropaden finala	Irailaren 7a, 11:00 – 17:00 Irailaren 8a, 10:00 – 16:00	Boulevardeko kioskoa
Porrontxoko jaiak	Irailaren 13 eta 14a	22:00 – 04:00	Luis Martin Santos plazaren aurrean
San Tomas eguna	Abenduaren 21a, larunbata	10:00 – 15:00	Boulevardeko kioskoa
San Sebastian Eguna	Urtarrilaren 19a, igandea	22:00-04:00	Boulevardeko kioskoa

Kanpaina sortzeko, koordinazio-lan handia egin da, alor askotako arduradunekin: auzoetako jaiak, Jazzaldia, Donostia Festak, Udaltzaingoa, Hondartza eta Aterpetxe Sailak eta gaueko aisialdiko tabernak.

Erlazionaturiko dokumentuak

• Ostalaritzarako gomendioak - Recomentaciones para hostelería-1.pdf
• Mutilentzat gomendioak - Recomendaciones para chicos.pdf
• Eraso sexisten aurkako telefonoak eta zerbitzuak.pdf
• Neskentzat gomendioak - Recomendaciones para chicas.pdf
• Hiritarrentzat gomendioak - Recomendaciones para la ciudadanía.pdf