EHUrekin batera antolatutako Giza Eskubideei buruzko Ikastaroen hitzaldiak

Urtero EHUrekin batera antolatzen diren Giza Eskubideei buruzko Ikastaroen parte-hartzaileen hitzaldiak biltzen dira liburu batean. Giza eskubideak babestearen inguruan sortzen diren arazoak aztertzea eta ikasleei arlo honetan prestakuntza espezifikoa ematea dute helburu.

Orain arte bederatzi liburu argitaratu dira. Urtero 500 ale inguru banatzen dira erakunde bakezale, tokiko GKE, Giza Eskubideen elkarte, erakunde, komunikabide, ikastetxe eta gaian adituak diren pertsonen artean. Gaur egun Estatu guztiko unibertsitateen artean benetako erreferentzia da giza eskubideen inguruko argitalpen kualifikatu gisa.