Haur eta nerabeentzako laguntza

Prebentzio, Haur eta Familia Zerbitzuaren misioa Donostiako haur eta nerabeen eskubideak babestea da, haur eta nerabeen ongizatea lortzeko helburuarekin. Horretarako, prebentzio-ekintzak eta babes-ekintzak garatzen ditu, haien premiei erantzuten zaiela ziurtatzeko.

Zentzuk dira gure helburuak?

Gure helburu orokorra gurasoei orientazioa eta laguntza ematea da, seme-alaben beharreei aurre egiteko, laguntza eta baliabide egokiak eskainiz.

Zehazki, helburu hauek lortzeko lan egiten dugu:

• Haurren eta nerabeen ongizatea sustatzea beren eskubideak gauzatzean
• Gurasotasun positiboaren erabilera sustatzea
• Babesgabetasunarekiko zaurgarritasun- eta arrisku-egoerei aurre-hartzea eta antzematea.
• Haurren babesgabetasun-egoerak eragiten dituzten kausen prebentzioa
• Haurren babesgabetasun-egoeretan esku hartzea
• Haurrei eta familiei eragiten dieten egoerei aurre egiteko baliabideak eta programak sustatzea.

¿Nori zuzenduta dago?

18 urtetatik beherako adingabeei, Donostian modu egonkorrean edo aldi baterako erroldatuta edo bertan bizi direnei (erroldatuta egon ala ez, legezko bizilekua izan edo ez), zaurgarritasun-egoeran eta/edo babesgabetasun arin edo ertainean daudenei.

Zer eskaintzen dugu?

Prebentzio eta Detekzio Goiztiarreko Programa

Haurren, nerabeen eta haien familien zailtasunak eta premiak goiz detektatzeko eta esku hartzeko prebentzio-programa bat da, haien ongizate emozionala eta segurtasuna lortzera bideratua.

Esku-hartzeko Baliabideak

Donostiako udalerrian erroldatuta dauden 0-18 urte bitarteko familia, haur eta nerabeei zuzendutako laguntza-programak dira.