Donostiak Gernikako Arbolaren kimu berri bat landatuko du Araba parkean

Martxoaren 5ean 12:00etan egingo den ekitaldi batean

Donostiako Udalak Gernikako Arbolaren kimu berri bat landatuko du hirian, martxoaren 5ean, eguerdian, Arabako parkean egingo den zeremonian.

Ekitaldia Maria Cristina erreginaren estatuaren ondoan izango da 12:00etan, eta bertan izango dira Eneko Goia alkatea, Udalbatzako kideak eta beste euskal erakundeetako kideak eta agintariak.

Gernikako Arbola Donostian

Udalak eskaera bat egin zien Bizkaiko Batzar Nagusiei, Arbola zaintzeko eta zabaltzeko ardura dutenak, 1906ko uztailaren 8an garai hartan Urumea pasealekuan Euskal Jaiak zirela landatu zen kimua berreskuratzeko. Garai berean pasealekuak Gernikako Arbola izena hartu zuen. Kimu hura, 10 urte geroago hil zena, gaur egungo Arabako parkean kokatu zen, pasealekuaren amaieran, eta han landatuko da berriro.

Euskal Herriaren ikurra

Gernikako Arbola euskaldunen sinbolorik unibertsalena da. Bizkaiko Jaurerriko lehen Batzarrak hartzen zituen haritza, denborarekin, herri baten eta erakunde batzuen iraupenaren sinbolo bihurtu zen, euskaldunek kolektibitate gisa ezagutu dituzten gorabehera historikoen aurrean.