Udaletxeak datorren astean eztabaidatuko du Zuhaizti Udal Kiroldegiaren kudeaketa

Gainera ere eskatuko da egungo esleipendunak, Fortuna KEak, zerbitzua ematen jarrai dezan

Alarma-egoeran administrazio-epeak eten egin dira, eta horrenbestez, Zuhaizti Udal Kiroldegiaren kudeaketa prozesua atzeratu egin da. Donostia Kirolaren Artezkaritza Kontseiluak uztailaren 6ean Zuhaizti Udal Kiroldegiaren kudeaketa emakida berrirako pleguak onartuko ditu.

Uztailaren 7an amaitzen da Fortuna KE-arekin sinatutako egungo kontratua. Horregatik , eta prozesu guztia amaitu bitartean, indarrean dagoen araudian ezarritakoaren arabera, Donostia Kirolaren Artezkaritza Kontseiluari ere eskatuko zaio emakidaren egungo esleipendunak, Fortuna KEak, zerbitzua ematen jarrai dezan.

Kontratu berria

Kontratu berria 15 urterako esleituko da, eta Kirol txartelaren erabiltzaileei zabalduko zaie. Hau da, ez da Zuhaizti txartelaren berariazko abonamendurik izango. Gainera, esleipendunak instalazioa hobetzeko inbersioak egin beharko ditu. Esaterako, lehen hilabetean, gimnasioa eta indoor zikloaren gelak hobetu beharko ditu.

Erlazionatutako dokumentuak

• Udaletxeak datorren astean eztabaidatuko du Zuhaizti Udal Kiroldegiaren kudeaketa.pdf