Donostian Abuztuaren 31an gertatutakoa oroitzeko ekitaldiak

Donostiarrek 1813an hiria suntsitu zuen sutea gogoratzeko ekitaldietan parte hartu ahal izango dute

Donostiako Udalak egitarau zabala jarriko du martxan aurten ere 1813ko abuztuaren 31n hiria suntsitu zuen sutea oroitzeko. Osteguneko 11:30etatik aurrera, hainbat omenaldi-ekitaldi egingo dira, Abuztuaren 31 kalean argiak itzali eta kandelak piztu ondoren zuzien argitan egingo den ohiko ibilaldi zeremonialean amaituko direnak.

Eneko Goia alkateak oroimenezko ekitaldien aurkezpena baliatu du “zorigaiztoko data hori ospatzeko ahaleginak batzen dituzten pertsona, entitate, elkarte gastronomiko eta erakundeei” eskerrak emateko.

Oroitzapen ekitaldiak

Ekitaldiak 11:30etan hasiko dira, Santa Maria Basilikan, tropa aliatuek hiria hartu eta suntsitu zutenean bizia galdu zutenen omenezko mezarekin. Ondoren, 12:45etan, udal agintariek lore eskaintza egingo dute Itsas Atean (Portaletak).

16:00etatik aurrera, hiriko hainbat auzotako danborradetako ordezkariek eta Donostia 31 Kultur Taldeak, hiriaren erasoaren eta suntsipenaren oroimen desfilea eta birsortze historikoa egingo dute.

Ekitaldirik solemneena eta karga sinboliko handienekoa danborradetako parte-hartzaileak Boulevardeko kioskoaren aurrean biltzen direnean eta minutu bateko isilunea egiten dutenean izango da, jarraian, San Sebastian martxa zaharra jotzeko. Ekitaldia 19:00ak inguruan izango da.

Eta 21:30etik aurrera eta hiriko hainbat elizatan kanpaiak jo ondoren, Abuztuaren 31 kalean bertan, hiritarren prozesio ikusteko aukera egongo da. Argi itzaltzearekin eta kandela eta zuzien argiarekin, gure hiriak 1813ko egun horretan bizi izan zuen tragedia oroituko da.

1813ko abuztuaren 31

1813an, ingeles eta portugaldar tropek, hiria bereganatu ondoren, erre egin zuten. Kale bakarra utzi zuten zutik, okupazioak iraun zuen bitartean ostatu hartzeko balio izan ziena, gaur egun abuztuaren 31 bezala ezagutzen duguna. Duela urte askotatik, Donostiako herritarrek omenaldi eta oroigarri egiten diete 1813an tragedia hau jasan zuten donostiarrei.

Aurreko egunak

Beste urte batez, abuztuaren 31ko jardunaldiaren aurreko egunetan hainbat ekitaldi egiten ari dira egun horretan gertatutakoan sakontzeko. Abuztuaren 26tik 30era, San Jeronimoko aretoan hirian gertatutakoari buruzko informazio panelak egongo dira eta "Donostia erre aurretik" filma proiektatuko da. Halaber, urteurren honen inguruan hainbat hitzaldi eta bisita gidatu egiten ari dira.

Erlazionatutako dokumentuak

• DOSSIERRA - ABUZTUAREN 31.pdf