Udalinfoko komunikazioak %12 igo dira 2016arekin alderatuta

Internet da hiritarrekin komunikatzeko bide nagusia

Udalinfo sendotu da hiritarrekin komunikatzeko sistema eraginkor bezala. Horrela dio hiritarren postontziari buruzko urteko txostenak. Eta txostena batzordean aurkeztu zaie udal-taldeei gaur goizean.

Lehendakaritza eta Gardentasuna, Giza Baliabideak eta Berrikuntza zinegotzi Juan Ramon Vilesek azaldu du, hiritarrek teknologia berriak erabili dituztela Udalarekin harremanetan jartzeko. Hortaz, Internet bidez egin dira komunikazioen %60. Eta horrekin batera Dpostontzia App-a da donostiarrek gehien erabili dutena Udalarekin harremanetan jartzeko.

Datuok kontuan hartuta, Vilesek honakoa esan du: "Dpostontzia App-a gero eta gehiago erabiltzen da. 2017an 2016an baino %5 gehiago erabili da". Horrez gain, hiritarrek telefonoz, hau da, 010-aren bidez egin dituzten komunikazioen %17a.

Hiri Mantentze eta Zerbitzuak kontsulta gehien jaso dituena

Aurreko urteetan bezala, 2017an ere Hiri Mantentze eta Zerbitzuen zuzendaritzak jaso ditu kontsulta, kexa eta iradokizun gehien, hain zuzen ere, %40. Jarraian Finantza zuzendaritzak kontsulten, kexuen eta iradokizunen %15,68 jaso ditu, iaz baino %4 gutxiago. Eta hirugarren postuan, Mugikortasun departamentuak kontsulten, kexuen eta iradokizunen %11,84 jaso ditu. Azken datu hau 2016koaren oso antzekoa da.

Hiri Mantentze eta Zerbitzuen zuzendaritzari dagokionez, egoera txarrean dauden espaloiak eta errepidea, hondakin-edukiontziak, bide publikoaren garbiketa, eta argiteria dira kontsulta, kexa eta iradokizun gehien jaso dituztenak. Era berean, azpimarratu behar dira ere parke eta lorategiekin, zein zuhaitz mozketa eta inausketarekin lotura duten kontsultak, kexak eta iradokizunak.

Finantza zuzendaritzak jasotako komunikazioen %33 ordainagiriekin lotura duta, eta %16 aldiz zerga-kontsultak dira. Eta Mugikortasun zuzendaritzak jasotzen dituen komunikazioen %11 aparkalekuekin eta gaizki aparkatzearekin lotura dute, eta %5 TAO zerbitzuarekin.

Erantzun maila handia

Herritarren arretarako zerbitzuak segidakoa ere neurtzen du: zuzendaritzek donostiarren kontsulta, kexa eta iradokizunei ematen dieten erantzun maila. Horren harian, 2017ko txostenak azpimarratzen du zuzendaritza gehienek jasotzen dituzten komunikazioen %100 erantzuten dituztela. Hortaz, zuzendaritzek 2017an jasotako kexen %84, iradokizunen %80 eta kontsulten %95 erantzun dituzte.

Atal honetan azpimarragarria da Mugikortasun eta Hiri Mantentze eta Zerbitzuen departamentuek erantzun maila asko hobetu dutela. Hain zuzen ere, Mugikortasun departamentuaren erantzun maila %25 handitu da, eta Hiri Mantentze eta Zerbitzuek 2017a amaitu dute kexen %80, iradokizunen %75 eta kontsulten %87 erantzunda, nahiz eta jasotako komunikazioak %25 handitu diren.

2018rako hobekuntzak

2018rako, herritarren arreta zerbitzuak "hiritarraren karpetaren" "nire izapideak" atalean hiritarrek egindako eskaeren jarraipena egiteko aukera eman du.

Lehendakaritza eta Gardentasuna, Giza Baliabideak eta Berrikuntza zinegotzi Juan Ramon Vilesek honakoa gaineratu du: "Helburua da bide horretan jarraitzea eta erantzun maila altua izatea. Horretarako, Udal departamentuen barruko kudeaketa prozedurak hobetzen saiatuko gara, aurreikusten dugun hiritarren komunikazio eskaeren igoerari aurre egiteko".

Irudi galeria