Tokiko Gobernu Batzarrak onartutako gaiak

Bideak garbitzeko zerbitzua, Protonterapia eraikina

Bideak garbitzeko zerbitzua

Tokiko Gobernu Batzarrak bideetako eta antzekoetako garbiketa zerbitzua kontratatzeko espedientea onartu du, 10 urteko egikaritze epearekin eta 16.734.696 euroko urteko aurrekontuarekin (16.701.696 euroko oinarrizko aurrekontua + 33.000 euroko gehienezko aurrekontua, kokaguneetako edo antzekoetako hondakinen bilketa eta kudeaketa, aparteko gertakizunen garbiketa edo tamainagatik ekipamendu arruntarekin bildu ezin diren antzeko ekintzak kontzeptuengatik).

Kontratuaren xedea da Donostiako kale, bide, industrialde eta enpresa-poligono guztiak eta, oro har, espazio publiko guztiak garbitzea, lorategiak, landa-izaerako oinezkoentzako bideak edo erabilgarritasunagatik edo izaeragatik beste zerbitzu edo erakunde batzuen erantzukizuna diren guneak izan ezik.

Protonterapia eraikina

Tokiko Gobernu Batzarrak Osakidetzari protonterapia-unitatea eta kanpo-kontsulten eraikina eraikitzeko lizentzia ematea onartu du. Eraikin berria Onkologikoa eraikinetik hurbil dagoen bolumen independente gisa proiektatu da. Sestra azpiko konexioak proposatzen dira ospitaleetako eraikinen artean, barne-mugimenduak errazteko.