35. Gazteen Antzerki Topaketak 18 antzezlan eskainiko ditu hirian

Maiatzaren 14tik ekainaren 14ra egingo da

35. Gazteen Antzerki Topaketan 18 antzezlan eskainiko dira hiriko sei agertokitan maiatzaren 14tik ekainaren 14ra.

14 eta 30 urte bitarteko gazte antzerkizaleen Topaketan parte hartzaileek hain ezagunak diren hiriko hainbat agertokietan antzezteko aukera izango dute:

• Victoria Eugenia Antzokiko Club Aretoa
• Antzoki Zaharra
• Gazteszena
• Lugaritz
• Kutxa Fundazioa Kluba
• Kontadores

Topaketaren helburu nagusia gazteria eta antzerkiaren arteko harremana sustatzea da. Izan ere, antzezle edota publiko izateko aukera dute emanaldietan. Era berean, gazteriaren artean kultura ekitaldietara joateko ohitura bultzatu nahi da, eta baita haien sortzaile gaitasuna ere.

Horrez gain, Topaketaren bitartez parte hartzaileen kultur ekoizpenaren berri ematen da, antolatzaileen hedapen kanalei eta espresuki topaketetarako sortutako materialei esker.

Bestalde, ekoizpen propioak nahiz klasikoak ikusi ahal izango dira; eta, balorazioaz Maria Blanco, Luix Mitxelena eta Omar Somai antzezleak arduratuko dira. Sari banaketa ekainaren 15ean izango da Kutxa Fundazioa Plazan.

Donostia Gazteria da Topaketaren antolatzailea eta 35. edizio honetan Donostia Kultura eta Kutxa Fundazioarekin batera aritu da elkarlanean.

Sarreren prezioari dagokionez, 3 eurokoa izango da espazio guztietan.

Salmenta guneei dagokionean, Victoria Eugenia, Antzoki Zaharra, Gazteszena eta Lugaritzeko antzerki lanak ikusteko sarrerak erosi ahalko dira maiatzaren 6tik aurrera:

• Donostia Kulturako webgunean, www.donostiakultura.eus
• Obra bakoitza antzeztuko den espazioaren leihatilan ere

Kutxa Fundazioa Klubeko eta Kontadoreseko emanaldien sarrerak berriz egunean bertan erosi ahal izango dira tokiko leihatilan bertan.

Kontaktua:

• 943481909
• gazteria@donostia.eus
• Agirre Miramon kalea 4 (Gros)
• Twitter | Instagram
• Gazteen Antzerki topaketaren weba