Ekialdeko Barrutiko Batzarrerako hauteskundeen deialdia egin da
Altza, Intxaurrondo eta Miracruz-Bidebietako auzo-elkarte eta arlo-entitateek urriaren 14ra arteko epea izango dute hautagaiak aurkezteko.
Barrutiko Batzarra legegintzaldi bakoitzean berritzen da, Udal korporazioa osatu ostean. Horrela, hauteskunde prozesu honen emaitza izango den Batzar berriak 2019-2023 epean jardungo du.
Udal Batzarra Barrutiko kudeaketa-organo nagusia da,
dagozkion eskumenen baitako tokiko gaietan auzotarren, kolektiboen eta entitateen
kontsultarako eta partaidetzarako organo goren gisa jarduten duena. Batzar hau 15 kidek osatzen dute, Barrutiko batzarraren Zinegotzi-burua, Barrutiko batzarraren zinegotzi-buruordea, udal ordezkaritza duten talde politikoek proposatutako 5 kide, auzo elkarteetako 4 ordezkari eta arloko entitateen 4 ordezkari izango direnak.
Horrela,
Zinegotzi-burua eta
Zinegotzi-buruordea izendaturik eta Ekialdeko Barrutiko Batzarra osatzeko
hateskundeetarako deialdia 2019ko irailaren 18an eginik,
urriaren 14ra arteko epea ireki da parte hartu nahi duten
auzo-elkarte eta arlo-entitateek hautagaitzak aurkez ditzaten, betiere aipatutako lurraldekoak badira eta
Herri Entitateen Erregistroan urtebeteko gutxieneko egonaldia egiaztatzen badute. Hautagaitza aurkezteko,
erregistroan eskabidez sarrera eman beharko zaio elkarte edo entitatearen hautagai titularrarekin eta bere bi ordezkoekin osatutako zerrendari.
Bozketa eguna 2019ko urriaren 26an izango da Udaletxeko sarreran goizeko 10etatik arratsaldeko 16:00ak arte. Ekialdeko Barrutikoak diren eta Herri Entitateen Erregistroan izena emanda dauden auzo-elkarteek zein arlo-entitateek izango dute bozkatzeko aukera.
Alkatetza ebazpena, 2019/09/23ko GAOn, 181. Zkia duena eta Donostiako Udaleko Ekialdeko Barrutiko Batzarra osatzeko hauteskunde deialdia egiten duena: https://egoitza.gipuzkoa.eus/gao-bog/castell/bog/2019/09/23/c1905936.pdf
2019/09/25-an argitaratua