Zabalik da Emakumeen Etxeko ikastaroetan izena emateko epea

Irailetik abendura bitarteko ikastaroetako izen ematea 2tik 16ra arte egingo da

Inprimatu


Dena prest dago Emakumeen Etxean 2022-23 ikasturteari hasiera emateko. Azken urteetan bezala, doako tailerrak, ikastaroak, taldeak eta askotariko zerbitzuak eskainiko ditu etxeak.

Izen-ematea Internet bidez egingo da honako web orrialdeetan: www.donostiakoemakumeenetxea.com eta www.donostia.eus/berdintasuna.

Pertsonaren baten izena emateko laguntza beharko balu, etxera joateko aukera dago, hango langileek langileekin batera egiteko. Betetzen ez diren ikastaroen izen-emate epea, ikastaroa hasi arte luzatuko da. Era berean, jardueretan izena eman dutenen kopurua eskainitako leku kopurua baino handiagoa bada, zozketa bidez egingo da. Nolanahi ere, bakoitzari mezu elektroniko bat iritsiko zaio jakinarazteko plazarik baduen eta nola baieztatu behar duen.

Jardueretako parte hartzeak hainbat baldintza izango ditu: alde batetik, pertsona bakoitzak gehienez hiru ikastarotan eman ahal izango du izena, eta talde bakar batean parte hartu ahal izango da irakurketa-talde batean baino gehiagotan tokatuz gero. Bestalde, zerbitzuetan hartutako hitzorduetara aurrez abisatu gabe joaten ez direnek ezin izango dute zita berririk eskatu, urtebeteko epean. Ikastaroa hasi eta gero utzi nahi dutenek aldiz, etxeko koordinatzaileei jakinarazi beharko diete. Hiru saiotan kale egiten duenak -justifikatu gabe-, ezingo du ikastaro gehiagotan parte hartu urtebeteko epean. Egoeraren arabera jarduera guztiak presentzialak edo online izan daitezke.

Jardueren informazio guztia honako dokumentuan aurkitu daiteke:

Erlazionatutako dokumentuak

2022/09/05-an argitaratua