Iņigo Llopis eta Nahia Zudaire igerilari donostiarrei harrera

Madeiran ospatu berri den Europako txapelketan urrezko domin bat, zilarrezko beste bat, eta brontzezko bost lortu dituzte

Donostiako Udalak harrera egin die gaur arratsaldean Iņigo Llopis eta Nahia Zudaire igerilari donostiarrei.

Llopisek irabazi ditu:

• Europako txapeldun izan da 100m sorbaldako S8 mailan
• Hiru brontzezko domin irabazi ditu, tximeleta erako 100 metrotan eta 34puntutako estiloko 4x100 metrotan eta era askeko 4x100 metrotan

Nahia Zudairek, aldiz:

• Zilarrezko domina S7 mailako 400m libretan
• Brontzezko bi domin, SB7 mailako bular estiloko 100metrotan eta 34 puntutako era askeko 4x100 metrotan

Donostiako alkate Eneko Goiak hiriaren izenean zoriondu ditu eta honakoa esan die: “Berriro ere bi donostiar protagonista handi Europako txapelketa batetan. Hiriko izena gailurrera eramaten. Oso harro gaude zuetaz, baina ez bakarrik horrelako lorpen handiak ekartzen dituzuelako, baita egiten duzuen lanarekin hiriko jende askorentzat eredu zaretelako ere”.

Horiek horrela, Goiak eskerrak eman dizkie egunero egiten duten lanagatik, eta zorterik onena opa die hurrengo hilabeteetan izango dituzten erronketarako, tartean Paris-en ospatuko diren Olinpiar Jokoetan.

Llopisek eta Zudairek Udalaren oroigarria jaso dute Donostiako alkatearen eskutik, baita udal korporazioaren ordezkarien txaloa ere.