Altzako Kiroldegia eraikitzeko lanen lehen lotea esleituta

Lote hau hondeaketa lotea da

Tokiko Gobernu Batzordeak milioi bat euroren truke esleitu du etorkizuneko kiroldegiari buruzko hondeaketa lotea.

Donostiako alkate Eneko Goiak aditzera eman du, Tokiko Gobernu Batzordeak esleitu duela Altzako Kiroldegiaren proiektuen lanak dituen bi loteen lehena. Eneko Goia alkateak zehaztu du, lote hau hondeaketa lotea dela eta Construcciones Mariezcurrena, Construcciones Zubieder eta Urbycolan enpresek osatutako UTE delakoari esleitu diotela milioi bat euroren truke. UTEak lau hilabeteko epea izango du lan hori egiteko.

Behin lote horren gaineko lanak amaituta, bigarren lotea esleituko da. Eta lote hau eraikina eraikitzeko lotea da, eta 16,2 milioi euroko aurrekontua du. Hortaz, epe laburrean Altzako kiroldegiaren lur-sailan hasiko dira makinak lanean.