Altzako eta Intxaurrondoko gimnasioetarako hitzordua eskatzeko sistema

Azaroaren 30etik aurrera ezarriko da

Kirol-instalazioen aforoen %40aren azken murrizketaren ondorioz, betetze-arazo batzuk sortzen ari dira gimnasio eta ordutegi jakin batzuetan. Hori dela eta kiroldegi batzuetako aurretiko zita-sistema berriro aktibatzea erabaki da, erabilera arrazionalizatzeko eta sartu ahal izateko itxaronaldiak saihesteko.

Zehazki, azaroaren 30etik aurrera (astelehena), sistema hori Altzako eta Intxaurrondoko gimnasioetan aktibatzen da:

• igerilekuan sartzeko ez da beharrezkoa izango
• 16:30etik 21:00etarako ordutegian izango da, egunero
• donostiakirola.eus webguneko abonatuaren gunetik edo kiroldegiko harreratik eska daiteke
• 90 minutuko hiru txanda ezarri dira, eta gimnasiotik ordua amaitu baino hamar minutu lehenago irten behar da, hurrengo txanda sartu ahal izateko eta korridoreetan aldi berean egon gabe
• Aldez aurreko ezarritako hitzorduetara, soilik Kirol Txarteleko abonatuak sartu ahalko izango dira, hau da, ordu horietan gimnasioak erabiltzeko unean uneko sarrerak ez dira salduko

Erlazionatutako dokumentuak

• Altzako eta Intxaurrondoko gimnasioetarako hitzordua eskatzeko sistema azaroaren 30etik aurrera.pdf