Donostiak 189.093 biztanle ditu
Atzerritarrak biztanleriaren %10,2 dira, iaz baino 1.080 gehiago
189.093 biztanlerekin amaitu zuen Donostiak 2023a, hau da, iaz baino %0,18 gehiago, 350 biztanle gehiagorekin, eta beraz,
hiriak historian izan duen biztanle-kopuru handiena da.
2023ko abenduaren 31ko erroldaren datuek adierazten dute
biztanle-kopurua handitu dela, baita batez besteko adina ere, 47 urte (iaz baino urtebete gehiago). Emakumeen batez besteko adina 48 urtekoa da, eta gizonezkoena, aldiz, 45 urtekoa.
- Gros (50 urte) Erdialdea (49 urte) eta Antigua (49 urte) auzoak dira batez besteko adin altuena duten auzoak,
- eta aldiz, Loiola (43 urte) eta Aiete (43urte), dira batez besteko adin baxuena dutenak.
Era berean,
hirian emakume gehiago dago gizonezko baino. Biztanleen %52,7 emakumezkoa da, eta gehiago bizi dira. Eta zehatzago, 65 urtetik gorako biztanleei erreparatzen badiegu, %58,7 emakumeak dira. Eta 80 urtetik gorako biztanleen %66,4 emakumeak dira.
Auzoak
- Amara Berri da biztanle gehien izaten jarraitzen duen auzoa, 30.192 biztanlerekin (biztanleen %16).
- Jarraian Erdialdea (22.264) eta Altza (20.484) daude.
- Hiru auzo hauek gehi Grosek (17.943) biztanleen %48 zenbatzen dute.
Bestalde,
- Zubieta da biztanle gutxien dituen auzoa, 314 (%0,2).
- Gainera, Aiete (+186) da 2023an gehien hazi den auzoa, eta jarraian Intxaurrondo (+174), Altza (+142), Erdialdea (+123) eta Añorga (+117) daude.
- Amara Berri (-283), Gros (-126), Antigua (-30), Ategorrieta-Ulia (-28), Ibaeta (-20), Miramon-Zorroaga (-16) eta Miracuz-Bidebieta (-3) dira biztanleak galdu dituzten auzoak.
Atzerritarrak
Atzerritar kopurua %5,92 hazi da Donostian 2023an. Guztira, 1.080 atzerritar gehiago daude, eta guztira 135 herrialdetatik etorritako 19.316 biztanle daude. Hortaz, atzerritarrak hiriko biztanleen %10,2 dira (2022an %9,7 ziren).
- Hondurasek jarraitzen du atzerritar kopuru handiena izaten (2.514 biztanle). Jarraian Nikaragua (1.975) eta Kolonbia (1.761) daude. Kolonbiak hirugarren postuan jarraitzen du eta Morokok, aldiz, laugarrenean (1.346).
- Bi herrialde hauen biztanle kopurua hazi egin da. Lau nazionalitate horien biztanlde kopurua gehi Italiatik etorritakoak (1.047) hirian bizi diren atzerritaren %44,7 dira.
Jaiotze-tasa eta zahartze-indizea
Jaiotze-tasak gora egin du, eta 5,69koa da (2022an 5,58koa izan zen).
- Igeldok izan zuen tasarik altuena (9,02), jarraian Añorga (7,63)
- eta aldiz Martutene da tasarik baxuena duena (2,20).
Zahartze-indizeari dagokionez, gora jarraitzen du eta 210,5koa da, hau da, iaz baino 6,8 puntu gehiago. Ondorioz, hirian
- 65 urtetik gorako 2,1 pertsona daude 15 urteko pertsona bakoitzeko.
- Gros eta Erdialdea dira zahartze-indize handiena dutenak, 65 urtetik gorako 3,13 eta 3,03 pertsona daude 15 urteko pertsona bakoitzeko;
- eta Loiola eta Aiete dira auzo gazteenak, 65 urtetik gorako 1,29 eta 1,38 pertsonekin 15 urteko pertsona bakoitzeko.
2023an 1.079 haur jaio dira hirian, baina 2.020 pertsona hil dira. Hortaz, s
aldo begetatiboa (jaiotzak ken heriotzak) -941 pertsonakoa da.
Ehunekoei erreparatuta,
- donostiarren %25,7k 65 urte baino gehiago dute,
- %7,8k 80 urte baino gehiago,
- eta 116 pertsonak 100 urte baino gehiago dituzte. 2023ko abenduaren 31n hiriko pertsona helduenak 112 urte zituen.
2024/04/09-an argitaratua