Udalak Mugikortasunaren Europako Astea ospatuko du

Irailaren 16tik 22ra.

Donostiako Udalak bat egin du aurten ere Mugikortasunaren Europako Astearekin, eta, horretarako, hainbat jarduera prestatu ditu irailaren 16tik 22ra bitartean “Isurketarik gabeko mugikortasunaren alde” lemarekin.

Pilar Arana Mugikortasun zinegotziak adierazi duen bezala, “osasun egoerak sortzen dituen zailtasunak gorabehera, departamentuak arreta jarri nahi du aste honetan emisiorik gabeko mugikortasunerako planteamenduak dakartzan onuretan”.

Programazioaren laburpena

• Datorren asteazkenean, irailaren 16an, hasiko da programazioa, “Hirian segurtasunez ibiltzeko haur-autonomia” izeneko ekimena abian jarrita. Ekimen hori ikastetxeei zuzendutako proiektu pilotua da, hiriko hainbat ikastetxetako sarbideetan bide-segurtasuna hobetzeko
• Hilaren 16an bertan, Dbus-ek sentsibilizazio-kanpaina bat hasiko du, eta autobusa garraiobide jasangarri gisa erabiltzea sustatuko du “Donostia jasangarriaren alde… Mugi zaitez Dbus-en” lemapean.
• Hiriko adinekoek eta mugikortasun murriztua dutenek triziklo egokituko ibilaldia egin ahal izango dute “Bizikletaz adinik gabe” jarduerari esker. Ekimen hori 17 eta 19an izango da, 17:00etatik 18:00etara, Tabakaleratik abiatuta, erretiratuen hainbat etxetatik aldez aurretik izena eman duten pertsonekin.
• Bestalde, hilaren 18an (ostirala), 17:00etatik 20:00etara, Alderdi Ederren egingo den Cargo Bikes (zamako bizikletak) erakusketan parte hartzeko aukera izango dute familiek. Adinekoek, gazteek eta haurrek bertatik bertara ikusi ahal izango dute horrelako bizikletek hirian duten erabilgarritasuna eta erosotasuna. Sei bizikleta herritarren eskura egongo dira, behar diren osasun neurri guztiak betez.
• Irailaren 20an, igandea, Kontxako pasealekua ibilgailu motordunez eremu guztiz libre bihurtuko da, eta 9:00etatik 21:00etara oinez zein bizikletaz gozatu ahal izango da. Hala, irailaren 22an urtero egiten den “Autorik gabeko Europako Eguna” aurreratuko da. Pasealekua erdiko eremuaren aldetik moztuko da, Mirakontxako igoerarekin bitan banatzen den puntuan (trafikoari irekita geratuko den igoera), eta Antiguoko aldetik, tunelaren beste aldean, Satrustegi eta Zumalakarregi ingurabidean moztuko da.
• Eta astelehenean, hilak 22, Ruta 25 Bizikleta-ibilaldiaren txanda izango da, 10:00etan Alderdiederretik abiatuko dena. Aurten jarduera sinbolikoa izango da, gaur egungo osasun egoeraren ondoriozko murrizketak direla eta. Beraz, gehienez ere 10 pertsonak parte hartuko dute bizikletarekin zerikusia duten erakundeen ordezkari gisa.
• Herritarrak Donostiako hiriko oinezkoentzako sarearen plano berria ikustera joan ahal izango dira Alderdiederrera hilaren 22an

Egitaraua

DATA	JARDUERA	LEKUA
AZTEAZKENA 16	"Hirian segurtasunez mugitzeko haurren autonomia". Ikastetxeentzako prestakuntza pilotua gaitzea eta abian jartzea, ikastetxeetako sarbideetan bide-segurtasuna hobetzeko. Dbus komunikazio-kanpaina	Hiriko ikastetxeak
OSTEGUNA 17	Bizikletaz Adinik Ez/ En Bici Sin Edad Adineko pertsonekin trizikloan paseatzea	Tabakalera 17:00 18:00
OSTIRALA 18	CITY CHANGER CARGO BIKE Zama bizikleten mailegua eta erakustaldia Europako proiektua	Alderdi Eder 17:00 a 20:00
LARUNBATA 19	Bizikletaz adinik ez/ En Bici Sin Edad Adineko pertsonekin trizikloan paseatzea	Tabakalera 17:00 18:00
IGANDEA 20	“La Concha Oinez eta bizikletaz ibiltzeko" Motordun trafikoa moztea	La Concha (Mirakontxa-Antiguoko tunela) 9:00 a 21:00
ASTELEHENA 21	“Ruta 25” bizkleta ibilaldia Aforoa mugatua	Alderdi Eder 10:00
ASTEARTEA 22 Kotxerik gabeko eguna	“Donosti OINEZ” Hiriko oinezkoen sarearen plano berria Metrominutoa. Aurkezpena.	Alderdi Eder

Mugikortasun Astearen Egitarau osoa PDF bakar batean