Martxoaren 8a ospatzeko eta aldarrikatzeko kanpaina berri bat

Paula Guerrero ilustratzailearen aurtengo kartelak borroka feministaren indarra jasotzen du

Aurten ere, Donostiako Udalak kanpaina berri bat jarri du abian M-8a, Emakumearen Nazioarteko Eguna, ospatzeko. Azken urteetan bezala, Donostiako Udalak, Berdintasun Atalaren bitartez, programa bakar batean bildu ditu Martxoaren 8aren bueltan hirian zehar antolatutako jarduera eta ekintzak.

Ekintza hauek emakumeen elkarteek eta mugimendu feministako elkarteek, Donostiako Haurtxoko eta Gaztelekuek, Donostia Kulturak eta Musika eta Dantza Eskolak antolatu dituzte. Horiek zabaltzeko, hirian zehar banatuko diren paperezko kopiak banatuko dira. Programa webgunean ere kontsulta daiteke.

Esan bezala, Gazteria Sailaren bitartez, zenbait jarduera egingo dira Haurtxoko eta Gaztelekuetan, adin tarte desberdinetara egokitutakoak. Askotariko jarduerak izango dira: jolasak, tailerrak, hitzaldiak, eskulanak...

Kultur etxeen sareak ere osatu du egitaraua. Hitzaldiak, antzerkia, musika kontzertuak, erakusketa...

Ane Oyarbide Berdintasun zinegotziak adierazi duen bezala: 'Kanpaina horretan, programatutako ekitaldi eta jardueretan parte hartzera gonbidatzen diegu herritarrei, emakumeen eta gizonen arteko benetako berdintasuna eta gizarteko esparru guztietan diskriminazioa eta genero-indarkeria amaitzeko aldarrikatzeko'.

Aurtengo kartela

Borroka feministaren indarra jaso nahi izan du Paula Guerrero ilustratzaileak kartelean. Sortzaileak bere diseinuekin irudikatu nahi izan du zarata egitearen garrantzia, ahotsak duen boterea desinformazioaren eta diskurtso erreakzionarioen aurka: 'Matxismoa, zelatan dagoen munstro likatsu batek irudikatzen du. Gure oihuek murriztu egiten dute. Azken irudian, ahotsa altxatzearen emaitza, zizare xanpatu txiki bat da matxismo hori, aurreko munstroaren karikatura bat, eta bere inguruan horman zehar hedatzen den landare bat ernatu da'.

V. Berdintasun plana

Donostiako Udalaren aurtengo kanpainak balioan jarri nahi du Berdintasun Sailak ildo horretan egiten duen lana eta ekarpena. Udaleko Emakumeen eta Gizonen Berdintasunerako V. Planaren bidez eta III. Barne Berdintasunerako Planaren bidez.

Erlazionatutako dokumentuak

• Martxoaren 8a ospatzeko eta aldarrikatzeko kanpaina berri bat.pdf