2021erako 400 milioiko aurrekontua onartu da

Aurrekontua iazkoa baino %8,1 txikiagoa da, osasun-larrialdiak eragindako diru-sarreren gutxitzea dela-eta.

Donostiako Udalak 2021eko aurrekontua onartu du gaur egindako udalbatzarrean, eta beraz, 400.001.417 euroko aurrekontua kudeatuko du, hain zuzen ere, aurreko ekitaldiko aurrekontua baino %8 txikiagoa, osasun-larrialdiak eragindako diru-sarreren gutxitzea dela-eta.

Diru-sarrerei buruz,

• 80,2 milioi euro (%20,2) zuzeneko zergetatik dator;
• 5,5 milioi euro (%1,4) zeharkako zergetatik;
• 102,6 milioi euro (%25,8) tasetatik eta beste motatako diru-sarreratatik;
• 150,1 milioi euro (%37,8) Udalak Finantziatzeko Foru Funtsatik;
• kapital diru-sarreratik 14,5 milioi euro (%3,6);
• eta azkenik, 44 milioi euro beste kapital diru-sarreratik (11%).

Gastuari dagokionez,

• 151,4 milioi euro (%45,6) pertsonalaren gastuak dira;
• 145,5 milioi euro (%43,9) gastu arruntak;
• transferentzia arruntak 32,4 milioi euro dira (%9,8),
• eta 1,9 milioi euro (%0,6) beste gastu batzuri dagokie.

Gizarte Ekintza, auzoak eta etxebizitza

Gizarte-sustapenerako eta babeserako jardueratara bideratutako aurrekontu-sailak 2,6 miloi eurotan handitu dira, legealdiaren hasierako aurrekontuarekin alderatuta, hau da, %8,5 gehiago.

Gainera, hiriko auzoetan 55 milioi euroko inbertsioak egingo dira, 2021eko aurrekontuko sailak eta iazko aurrekontutik berreskuratuko diren sailak kontuan hartuta. Eta horrenbestez, 80 jarduera baino gehiago egin ahal izango dira.

Era berean, Udal Gobernuak eta Elkarrekin Donostiak akordioa egin dute etxebizitzaren arazoari aurre egiteko.

Zatikako zuzenketak

Udal gobernuak Elkarrekin Donostia eta PP taldeekin hainbat akordio egin ditu aurrekontuan 4 milioi euroko balioa duten hainbat zuzenketa sartzeko.

Horien artean, 2 milioi euro zenbatzen duten hainbat neurri daude, hain zuzen ere, hiriak osasun-larrialdiari aurre egiteko estrategiarekin lotura zuzena duten hainbat neurri.

Erlazionatutako dokumentuak

• 2021aurrekontua.pdf