Hiru kirol pista berri hirian egokitu dira

Altzan eta Rodileko pistak berritu, eta Intxaurrondoko petanka pista estali dira

Donostiako Udalak, Donostia Kirolak bidez, hiriko hainbat auzotan hiru kirol pista berri egokitzeko lanak amaitu ditu. Lehen kirol pista Altzako Udal Gimnasioaren ondoan dago, Eraikuntzaren Institutuan zegoen kirol pista zahar bat aprobetxatuz. Zoladura konpondu da, zelaietako lerroak pintatu dira. Amaitzeko, kirol ekipamendu berria jarri da.

Rodilen ere oso egoera txarrean zegoen antzinako kirol pista aldatu da. Kasu honetan, hormigoizko zolata bat egin da eta, horren gainean, pista berri bat jarri da. Honek ere hiriko beste eremu batzuetan daudenen itxura bera du, zoladura urdina, inguruko itxitura eta kirol ezberdinetarako ekipamendua dituena.

Azkenik, Intxaurrondon auzoko petanka pista estali da, egokitzapen hori eskatzen ari ziren auzoko adineko pertsonek asko erabiltzen zuten lekua.

Erlazionatutako dokumentuak

• Hiru kirol pista berri hirian.pdf