Donostiak LGTBI+ kolektiboaren aurkako gorabeheren lehen txostena egin du

2021-2022 aldian 37 gorabehera erregistratu ziren hirian

Donostiako Udaleko Berdintasuneko, Lankidetzako eta Eskubide Zibiletako zinegotzi Ane Oyarbidek txostena aurkeztu du gaur, 2021. eta 2022. urteetan hirian erregistratu ziren LGTBI+fobiaren gorabeherak jasotzen dituena aurreneko aldiz..

Txostenak erakusten duenez,

• 19 salaketa erregistratu ziren 2021ean, eta 18 2022an; 37 bi urteetan.
• Salaketen % 60,5 homofobiak dira; 23 salaketa guztira. Ondoren, transfobia dago, 10 salaketa; izandako guztien % 26,3.

Ane Oyarbidek azpimarratu duenez, "hirian egiten den lehen azterlan hau tresna baliagarria da LGTBI+ politiketan beste eragile eta kolektibo batzuekin batera aurrera egin ahal izateko. Eta baita dibertsitatearekin bizi eta aberasten den gizarte bati ekarpen bat egiteko ere; pertsona guztiak benetan berdin direla bizitzeko, gorroto-diskurtsorik gabe eta guztiek --duten sexu identitatea edo orientazioa dutela-- aske eta beldurrik gabe erabili ahal izateko dituzten eskubide guztiak"

Datuak, besteak beste, iturri hauetatik bilduak dira: Udaltzaingoa, LGTBI+en Euskal Behatokia, Ertzaintza, Berdindu, Gehitu, Eraberean, Donostiako Udaleko Berdintasun Saila eta zenbait komunikabide.

Erlazionatutako dokumentuak

• Donostiak LGTBI+ kolektiboaren aurkako gorabeheren lehen txostena egin du .pdf