Artelekuko plaza prest izango da urtebetean

Jaietarako gunea, haurrentzako jolas-gunea, adinekoentzako kirol-gunea eta kirol-kantxak izango ditu

Txomin Enea auzo berriaren bihotza izango den Arteleku plaza datorren urtearen amaieran gauzatuko da, bihar Gobernu Batzordeak onartuko duen proiektuari esker.

Hiri Proiektuen zinegotziak, Duñike Agirrezabalaga sozialistak adierazi duenez, "plaza udalak deitutako ideia-lehiaketa baten eta partaidetza-prozesu baten emaitza da. Prozesu horretan, auzotarrek zenbait hobekuntza eta ekarpen egin zituzten, eta horien ondorioz, orain esleitu den egikaritzea gauzatu da. Dagozkion prozedurak egin ondoren, obrak 2021eko uda inguruan hasiko dira, eta aurreikusitako 5 hilabete eta erdiko obren ondoren, plaza prest egongo da datorren urtearen amaieran erabiltzeko eta gozatzeko".

Plazaren ezaugarrietako bat da azalera "kulunkatua" izango dela, euri-ura drainatu ahal izateko. Horrela, plazaren erdialdea gorago egongo da, 1,3 metro perimetrora jaitsiz, urak estolderiaraino eramanez. Zehazki plaza hainbat eremutan banatuta egongo da:

• Plaza hiritarrago bat egongo da, auzoko jai-ekitaldiak garatzeko gune batekin
• lurrean ur-zurrustak dituena
• beste espazio bat, zuhaitzez eta gramineo-sailez inguratua
• Erdialdean, haurrentzako jolasgunea egongo da, estalki arin baten azpian
• ibaiertzeko zuhaiztiak
• adinekoentzako kirol-eremu bat
• Bi gune daude kirol-kantxa bana jartzeko

Lurzoruak

Hiri Proiektuetako zinegotziak adierazi duenez, zonaldeek zoladura desberdinak izango dituzte:

• erdigunean zoladura zuri leunduarekin izango da
• ur-jolasen eremuak adokina izango du junturak 4 zm hondoratuta, ura errazago igaro dadin
• Egonleku eta txoko intimoenek gris ilun koloreko lauzak izango dituzte
• bideek etorkizuneko ekipamenduekin batera, galtzada-harri gris ilunak
• Haurrentzako jolasgunean nahiz adinekoentzako kirolean, zorua kautxu koloreztatukoa izango da

Zuhaitzak

4 zuhaitz mota egongo dira plaza berrian:

• Haritza aukeratu da, astigarra japoniarrarekin konbinatuta
• Freemanen astigarrak
• ibaiertzeko zuhaitzak
• alamo beltza eta lizarra

"Aipatu behar da plaza berri osoa irisgarria izango dela adinekoentzat edo mugitzeko arazoak dituztenentzat, eta hiri-altzariak izango dituela, hala nola bankuak, paperontziak, edateko iturriak eta aparkalekuak bidegorriaren inguruan", adierazi du Duñike Agirrezabalagak.

Erlazionatutako dokumentuak

• Artelekuko plaza prest izango da urtebetean.pdf