Sei bertso-saio antolatu dira Donostiako 1.600 haurrentzat abenduan

Aitor Mendiluze eta Maddalen Arzallus bertsolariek bertso-saioak eskainiko dituzte

Guztira Donostiako 26 ikastetxeetako Lehen Hezkuntzako 4-5-6 mailetako 1.600 bat ikasle joango dira bertsolari profesionalek eskainitako saio bat entzutera. Haur gehienentzat, bertso-saio batera doazen lehen aldia izango da.

Gaur Lugaritz K.En, abenduaren 10ean Egian eta Larratxon.

Gaur, Lugaritz kultur etxean, hiru saio eskaini dituzte 9:30, 11:00 eta 15:00etan. Igeldo, Jesuitinak, Santa Teresa, Sto Tomas, Amassorrain, Jakintza, Larramendi, Katalin Erauso, Ibai, Axular eta Ekintzako ikasleentzat.

Abenduaren 10ean, Egian, 9:30 eta 11:00etan, Mundaiz, Claret, La Salle, Summa, Aitor, Ikasbide, Maria Reina, Arantzazuko Ama eta Orixeko ikasleak izango dira.

Egun berean, Larratxon, 15:00etan, Altza, Herri Ametsa, La Anunciata, San Luis-La Salle, Intxaurrondo eta Herrera ikastetxeetako ikasleak izango dira.

Gelatik atera ohiko bertso saio batean parte hartzeko

Gipuzkoako Bertsozale Elkarteak, Donostiako Udaleko Euskara Zerbitzuak diruz lagunduta, ahozkotasuna eta bertsolaritza sustatzeko lehen hezkuntzako ikastetxeetan garatzen du “Gu ere bertsotan” egitasmoa. Bertsolariak ikastetxeetara joaten dira eta haurrekin batera bertsogintza lantzen dute eta arrakasta handia du gaztetxoen artean.

Haur gehienak baina ez dira bertso-saio batean izan, bertsolaritza eskolan landu arren. Hori dela eta, bertso saio horiek antolatzea erabaki zuen Udaleko Euskara Zerbitzuak. Ikasleak, gainera, gai jartzaile lanetan aritzen dira eta bertsolari-irakasleek- Mendiluzek eta Arzallusek, haien agindutara abesten dute.

Informazio gehiago:

Donostiako Udaleko Euskara Zerbitzua
Konstituzio plaza, 2
943 483750
www.donostiaeuskaraz.eus