Tokiko Gobernu Batzarrak onartutako gaiak

Begiristain Doktoreko espaloia, Haur-parkeak berritzea

Begiristain Doktoreko espaloia

Tokiko Gobernu Batzarrak Begiristain Doktorearen pasealekuan espaloia berritzeko eta ezponda egonkortzeko proiektuaren kontratazio espedientea onartu du. Lizitazio aurrekontua 599.903 eurokoa da eta 4 hilabeteko epea du burutzeko.

Konpondu beharreko tartea GI-20 errepidea gainditzen duen zubibidearen eta Illunbera sartzeko adarraren hasieraren artekoa da (ospitaleetara igotzeko noranzkoan).

Lehendik dagoen espaloiko zoladura egonkortu eta berritu egingo da, baldosa hidrauliko hexagonal zuriarekin, eta Donostia modeloko 10 pastilla beltzeko luzetarako eta zeharkako zenefarekin. Mikropilotezko pantaila bat egingo da, galtzadaren kanpoko ertzean ainguratuta, eta espaloiaren zoladura berrituko da, eremua segurtasun-baldintza egokiekin erabili ahal izateko.

Haur-parkeak berritzea

Tokiko Gobernu Batzarrak bost haur parke ordezteko eta berritzeko kontratua enpresa hauei esleitzea erabaki du:

• 1. lotea: HPC IBÉRICA, S.A.
• 2 eta 3 loteak SUMALIM S.L.ri
• 4. eta 5. loteak: MONTAJES GARRA, S.L.

Esleitutako loteen ezaugarriak honako hauek dira:

• 1. lotea: Bernart Etxepare Plaza – 49.153 euro – 12 aste
• 2. lotea: Matigoxotegi - 26.636 euro - 12 aste
• 3. lotea: Ander Arzelus Luzear Plaza – 34.373 euro - 12 aste
• 4. lotea: Larratxo Parkea – 46.765 euro - 12 aste
• 5. lotea: Zarautz kalea 79-81 -17.125 euro - 12 aste

2024/01/23-an argitaratua