Aldizkako mozketak, Kontxa pasealekuan eta hondartzan, uztailaren 23an

Datorren asteazkenean, uztailaren 23an, Woody Allen zinemagile estatubatuarraren filmatzea izango da, Kontxako pasealekuan eta hondartzan, zehazki, Atlético San Sebastián-etik hurbilen dagoen eremuan. Hori dela eta, ibilgailu eta oinezkoentzat aldizkako mozketak egongo dira.

8:00etatik 12:30ak arte, Atlético San Sebastián aurrean dagoen hondartza zati bat inguratuta egongo da eta ezin izango dira tarte horretan dauden 4 toldo-ilarak erabili. Dena den, ordezko pasabideak egongo dira eta hondartzaren gainerako guneez normaltasunez gozatu ahal izango da. (argazkia atxikitzen da)

Udalak toldoen erabiltzaileak ohartarazi ditu, egun horretan egongo den errodaje-planaren eta eragozpen puntual horren berri emanez.

Ibilgailuen trafikoa moztea

Aldizkako zirkulazio-etenaldiak egingo dira, 11:00etatik 19:00etara, Zubieta kalean eta Mirakontxa pasealekuan.

Oinezkoen trafikoa moztea

11:00etatik 19:00etara, filmatzearen une jakinetan eta grabaketaren arabera,  oinezkoen igarotzea eten ahal izango da hegalean, eskaileretan, hondartzan eta Kontxa pasealekuan. Mozketa hauek ez dira 3 edo 5 minutu baino luzeagoak izango eta betiere, Zubieta kaletik igarotzea bermatuko da.

Bai oinezkoentzat bai trafikoarentzat bertan egongo diren teknikariek beharrezko oharrak eta zirkulazio-aukerak eskainiko dituzte.