Donostia Kirolak webguneko abonatuaren gunea berritu du

Erabilgarritasuna hobetzen du eta online zerbitzu berriak eskaintzen ditu

Donostia Kirolak urratsak egiten jarraitzen du izapideak eta zerbitzuak digitalizatzeko estrategian, eta, ildo horretan, abonatuaren gune bat aurkeztu du webgunean, erabat berritua, eskaintzen dituen izapideetarako erabilgarritasuna hobetuz.

Donostia Kirolaren webgunean leku nabarmena duen abonatuaren gune berrituta honetan, izapide ugari egin eta hainbat zerbitzutara sar daiteke:

• Kirol txartelean alta ematea
• datu pertsonalak aldatzea
• hileko abonua berritzea
• ordainagiriak
• instalazioetara sartu izanaren historikoa
• ordaintzeko modua aldatzea
• Aukeran programaren asteko programazioan ikastaroetara edo saioetara izena ematea
• zozketetan parte hartzea, etab.

Iñaki Gabarain Kiroletako eta Bizitza Osasungarriko zinegotziak adierazi duenez, "2023an, udalaren kirol-zerbitzuekin lotutako izapideen % 74 baino gehiago online egin ziren plataforma horren bidez. Horrek esan nahi du 50.000 izapide baino gehiago egin zirela web bidez, hala nola ikastaroetan izena ematea, abonatu berriak, erreserbak edo dirulaguntzak ".

Bizum bidez ordaintzea

Gehitu den berrikuntzetako bat Bizum bidez kontratatutako zerbitzuak ordaintzeko aukera da, horrela ordainketa prozesu osoa erraztuz.

Zerbitzuen digitalizazioan egindako aurrerapen horrek ez du esan nahi Donostia Kirolaren aurrez aurreko arreta murriztu behar denik, ohiko ordutegietan mantentzen baita, bai Donostia Kirolaren bulegoetan, bai udal kiroldegietan, eten digitalak ez diezaion inori oztoporik eragin.

Sarbide-txartel birtuala

Horrez gain, aldi baterako txartel birtual bat ere deskarga daiteke, Kirol Txartelean abonatutako pertsonei aukera ematen diena kirol-instalazioetako sarrera-tornuetatik sartzeko mugikorra erabiliz, txartel fisikoa erabili beharrik gabe. Iaz 218.000 sarrera egin ziren Kirol txartel birtual hau erabiliz.

Datozen hilabeteetan zerbitzu berriak txertatuko dira, hala nola itxaron-zerrenden kudeaketa automatikoa, ikastaroetan baja emateko edo taldea aldatzeko eskaerak, sarreren eta bonuen salmenta, etab.

Erlazionatutako dokumentuak

• Donostia Kirolak webguneko abonatuaren gunea berritu du.pdf