Romastea sortu da, ijito-herriari balioa emateko kultura-proposamena

Ekimena apirilaren 8an hasiko da, Ijito Herriaren Nazioarteko Egunean

Datorren apirilaren 8an, Ijito Herriaren Nazioarteko Egunean, Romastearen lehen edizioa hasiko da. Kultura proposamen horren helburua da erromani-kultura garaikidea ikustaraztea, egungo ikuspegi ireki batetik.

AGIFUGI Gipuzkoako Etorkizunaren aldeko Ijito Elkarteak eta Beti I tchatchipen elkarteak bultzatuta, IJITON kultura-proiektuaren esparruan, komunitatearen eta herritarren arteko lotura indartzeko asmoz sortu zen proposamena, Donostia elkarrizketa kulturalerako gune gisa sendotuz.

Zazpi eguneko programazio jarraitu bat izango du Romasteak, eta erromani-kultura garaikidearen hainbat dimentsio jorratuko dira bertanAniztasuneko eta Inklusioko zinegotzi Iñigo García Villanuevak nabarmendu duenez, “Romastearen helburua da ijito-kultura jendearengana hurbiltzea, gehiago eta hobeto ezagutu dadin. Partekatzeko, ikasteko eta aurreiritziak hausteko aukera bat da, elementu xume batetik abiatuta, kulturatik, alegia”.

Egitaraua

Romastearen lehen edizioa erromani-kultura garaikidearen hainbat dimentsio jorratzen dituzten jardueren sekuentzia baten bidez egituratzen da:

Asteazkena, apirilak 8 | Centre Social Denentzat
Programazioarekin hasteko, harrera instituzionala egingo da Hendaiako Centre Denetzat zentroan.

Osteguna, apirilak 9 | Cristina Enea Fundazioa | 17:30
Ostegunean, hilak 9, Klima ta Memoria jarduera egingo da, haurrei zuzendutako tailerra.

Ostirala, apirilak 10 | udaletxea | 17:30
Ostiralean, hilak 10, emakume erromaniak izendatzeko ekintza egingo da.

Larunbata 11 | Intxaurrondo KE | 17:30
Larunbatean, hilak 11, musika-hizkuntza erromani garaikideetan oinarritutako soinu-topaketa bat egingo da.

Igandea 12 | Tabakalera | 17:30
Igandean, hilak 12, ikus-entzunezko ekintza bat egingo da.

Astelehena 13 | Okendo K.E | 17:30
Astelehenean, hilak 13, hitzean oinarritutako literatura-ekintza bat egingo da: Las voces liburuaren aurkezpena.

Asteartea 14 | Egia Kultur Etxea | 17:30
Programazioaren azken eguna apirilaren 14a izango da, asteartea. Egun horretan Kaldereroen inguruko hausnarketa partekatu bat egingo da.

Hala, Udalak indartu egiten du Donostiak kultura-aniztasunarekin, berdintasunarekin eta elkarrekiko errespetuan eta onarpenean oinarritutako bizikidetza eraikitzearekin duen konpromisoa.

Erlazionatutako dokumentuak

• Romastea sortu da ijito-herriari balioa emateko kultura-proposamena.pdf