Haur eta gazteek auzoetako jaiekin eta espazioen irekiera jaiekin gozatzeko aukera izango dute
Donostiako Haurtxoko eta Gaztelekuak bueltan dira eta ikasturteari hasiera emateko irekiera jaiak antolatuko dituzte; kasu batzuetan, auzoko jaiekin batera ospatuko dute ikasturte berria. Irail eta urrian ez dira haur eta gazte festak, ekintzak eta lagunartea faltako.
Espazio gehienak irailaren 12an ireki baldin bazituzten ere, irekiera jaiak ostiral eta larunbatetan egingo dira, programa zabalarekin, parte-hartzea sustatu eta ikasturte berrian luzatuko den lagunarteko giroa pizteko.
Agendan gordetzeko
Bidebieta, Aiete, Amara, Gros, Intxaurrondo, Antigua eta Martutene…. Auzo guztietan izango dugu ospakizun berezia. Aiete, Amara-Loiolako Erribera, Egia eta Martuteneko kasuetan, bertako jaiekin ospatuko dute, ekintza egitarauan parte hartuko baitute.
Hona hemen Haurtxoko eta Gaztelekuetako bakoitzak izango duen jaia eta data. Gorde ezazu agendan eta animatu, lagunartean eta/edo familian gerturatu eta ondo pasatzera.
IRAILAK 15, OSTIRALA
AIETE HAURTXOKOA - AIETEKO JAIAK. 16:30-19:30, Jolastokian
IRAILAK 16, LARUNBATA
AIETE GAZTELEKUA – AIETEKO JAIAK. 17:00-19:30, Jolastokian
AMARA HAURTXOKOA / GAZTELEKUA - LOIOLAKO ERRIBERAKO JAIAK. 11:00-14:00, Giuseppe Verdi plazan
EGIA HAURTXOKOA - PORRONTXO JAIAK. 16:30-19:30, Cristina-enea parkean
EGIA GAZTELEKUA - PORRONTXO JAIAK. 17:00-20:00, Maria Reina eskolan
IRAILAK 22, OSTIRALA
BIDEBIETA HAURTXOKOA - Irekiera festa. 17:00-19:15, Bidebieta Parkean
GROS GAZTELEKUA - Irekiera festa. 17:00-20:30, Okendo Kultur Etxeko terrazan
INTXAURRONDO GAZTELEKUA - Irekiera festa. 17:00-20:30, Felix Gabilondo plazan
IRAILAK 23, LARUNBATA
ANTIGUA HAURTXOKOA / GAZTELEKUA - Irekiera festa. 17:00- 20:00, Alfonso XIII plazan eta frontoian
IRAILAK 29, OSTIRALA
GROS HAURTXOKOA - Irekiera festa. 17:00-19:30, Saguesen
INTXAURRONDO HAURTXOKOA - Irekiera festa. 17:00-19:30, Bernart Etxepare plazan
BIDEBIETA GAZTELEKUA - Irekiera festa. 17:00-20:00, Bidebieta Parkean
AMARA HAURTXOKOA / GAZTELEKUA - AMARA BERRIKO JAIAK. 16:30-19:00, Olaeta plazan
URRIAK 11, ASTEAZKENA
MARTUTENE HAURTXOKOA / GAZTELEKUA - MARTUTENEKO JAIAK. 17:00-19:30, Arantzazuko Ama ikastolako jolastokian
URRIAK 15, IGANDEA
ETXARRIENE - MARTUTENEKO JAIAK. 18:00, Parkean
Edozein zalantza argitzeko eta ekintzen inguruko informazio gehiago jasotzeko, Haurtxoko eta Gazteleku bakoitzarekin jar zaitezkete harremanetan.
2017/09/14-an argitaratua