Datorren larunbatean, martxoaren 18an, Donostiatruk bigarren eskuko azoka Easo Plazan egingo da, 10:00etatik 14:00etara arte. Udaleko Osasun eta Ingurumen Zuzendaritzak antolatutako azoka da, etxeko produktuei beste erabilera bat eman ahal izateko, hondakin bihurtu baino lehen.

Parte hartu eta gero, etxean dauden eta jada erabiltzen ez diren produktuetatik (arropa, liburuak, jostailuak eta abar) onura ekonomikoren bat ateratzeko aukera izango da, baita modu eskuragarriagoan erosteko ere.

Easo Musika Eskolako hari-instrumentu taldeak emanaldi bat eskainiko du goizeko 11:00etan.

Donostiatruk merkatuan ohikoa denez, erosketaren bat egiten duten pertsonen artean, bi lagunentzako bazkari edo afari bat zozkatuko da Egiako Km0 jatetxe begano begetarianoan.