Hiri jasangarria

Bizikleta sarea garatzea eta amaitzea Pagolatik Gailurreraino Aieten. Lanak bost fasetan banatu dira eta horietako bat % 100ean amaitu da (1. fasea) eta beste bat % 75ean gauzatu da (4. fasea igogailuen artean).

Isabel II, Felipe IV eta Gregorio Ordoñez kaleen berrurbanizazioa. Donostiako Udalak Amarako ingurumen baldintzak hobetzera bideratutako jarduera multzo bat programatu du, herritarren erabilerarako eta gozamenerako espazioak berreskuratuz eta izaera desberdineko fluxuen arteko oreka egoerak lortuz (oinezkoena, txirrindulariena eta ibilgailuena, batez ere) guztiak modu armoniatsuan batera egon daitezen.

Proiektu honen helburua Añorgako zeharbidea berrurbanizatzea da, tarteko biribilgunearen eta Errekaldeko biribilgunearen artean. Hirian sartzeko bide ardatz hori bulebar bihurtu nahi da, eta hiri diseinuaren ezaugarriak eta I. fasean daudenen antzeko kalitateak izango ditu.

Hiriaren inguruan emisioak murrizteko beharrari buruz egindako hausnarketak, herritarren mugikortasuna babestuz, Dbus-en 17. linearen elektrifikazio proiektua bultzatu du, flotaren deskarbonizazio planaren proiektu pilotu asmo handiko gisa. Plan horren helburua Dbusen 2030erako autobusen % 100 elektrifikatzea da.

Pasai San Pedro hiribidea eta Bidebieta auzoaren arteko bidegorria eraikitzea 2021eko aurrekontu parte-hartzaileen deialdian aukeratutako proiektuetako bat da.

Ibilbidea, 455metroko luzerarekin, Azkuene kaletik gertu hasten da Pasai San Pedro etorbidetik jarraitzeko (galtzadatik eta espaloitik zatika, Colombine kalera iritsi arte). Bertan, Bidebietako Joan XXI etorbidearekin bat egiten duen gune batetik igarotzen da.

Bidegorria, lehen 300 metroetan, txirrindularientzat bakarrik da eta 2.50 metroko zabalera du. 300 eta 400 KPen artean, sekzioa oinezkoen eta txirrindularien artekoa da, eta, azken 50 metroetan, garajeetara sartzen diren motordun ibilgailuekin partekatzen du bidea.

Luzetarako profilari dagokionez, lehen 160 metroak ia horizontalak dira baina Pasai San Pedro etorbidea zeharkatu ondoren, trazadura igotzen hasten da, betiere % 6tik beherako aldapa batekin. Azken 50 metroetan malda handiagoa da.

Ondarreta pasealekuta zabaltzea eta Eduardo Chillida pasealekua oinezkotzea.

Erregezain kaleko 26 eta 28 zenbakien artetik Heriz pasealekura iritsi ahal izateko egungo eskailerak ez dira irisgarriak. Hori konpontzeko, eta oinezkoen eta txirrindularien mugikortasuna bermatzeko, igogailu bat eraikiko da, mugikortasun jasangarria sustatuko duena inguruko biztanleen artean.

Kontxako pasealekuko trafikoa lurperatu eta handitzeko azterlana

Morlanseko sarreraren inguruko urbanizazioa egokitzea, Morlans – Aieteko igogailua amaitu ondoren.

Bide Azpiegituretako Departamentuaren eta Udalaren artean sinatutako «Hiriko sarbideak aztertu eta planifikatzeko eta GI-20 saihesbidearekin koordinatzeko hitzarmena»ren esparruan, komenigarritzat jo zen Garberako biribilgunean trafiko maila apaltzea eta auzoen arteko mugimenduak hobetzeko hiriaren eta GI-20 errepidearen arteko konexio berriak sortzea, lotura gehiago izateak bide sistemari malgutasuna ematea baitakar.

Topoaren pasabidea eraikitzeko lanak bultzatzea. Egungo trazadura aldatzea, bidaiarien trafikoari dagokionez, EuskoTrenen Bilbo-Donostia eta Donostia-Hendaia lineen trazadurei jarraipena emateko, gaur egun Amarako geltokian amaitzen baitira.

Hiriko kaleak eta bide-sarea abiadura-muga berrietara egokitzea, 2020ko azaroaren 10eko 970/2020 Errege Dekretuan oinarrituta eta San Martin eta Zubieta kaleen zirkulazio-zentzuen aldaketa, Donostiako Hiri Mugikortasun Jasangarri Plan (HMJP) berriaren lehen mugarri gisa.
Ekimen honen helburua oinezkoen, txirrindularien eta garraio publikoa erabiltzen duten herritarren mugikortasuna hobetzea da eta mugikortasun eskema aldatzea datozen urteetan.

14.500 m² ditu Ulia pasealekuaren hasieran Uliako haztegiak bezala ezagutzen dugun eremuak . Parke barruko haztegiak Donostiako lorategi publikoetarako landare hornitzaile izan ziren XX. mende osoan, 2008an Udalak udal haztegi horiek Lauazietara eraman zituen arte.

2010. urteko Plan Orokorrean prezio libreko etxebizitzen garapena aurreikusten da gune horretan.

Aurreko legegintzaldian gazteentzako zuzkidurak sartzea planteatu zen.

2019-2023 gobernualdian bizilagunen eskaerari erantzunez, gune honen erabilerak berraztertzea eta lantzea erabaki zen.

Hirian plastikoen erabilera murrizteko estrategia bat jarri zen abian 2021ean.

Horretarako Donostia Zero Plastik kanpaina burutu zen 2021ean. Gainera, ekainean plastikorik gabeko hilabetea antolatu zen. Ekintza nagusiak hauek izan ziren:
- Prebentzioa: ur pitxarren banaketa ostalaritzan, tupper banaketa arrandegietarako, ur botila berrerabilgarriak hondartzako tabernetan...
- Garbiketak: Urumean, Igeldon, Ulian eta hondartzetan.
- Informazioa: AZTIren ikerketa La Conchako badiari buruz, erakusketa Alderdi Ederren eta informazio postua Donostitruk-en.
- Instalazio turistikoak: 18 hotelentzako programa berezia, apartamentu turistikoentzako programa berezia.
- Gainerako eragileak: San Martin merkatua, Gipuzkoako Hostalaritza Elkartea, Musika Hamabostaldia, Zinemaldia ,...