Breadcrumb

BIT - BARRUTIA - BARRUTIA BANNER

Donostia San Sebastián - Ekialdeko Barrutia Distrito Este

 

 

BIT - BARRUTIA - EGITURA EDUKIA

EGITURA

Barrutiaren egitura organo ezberdinek osatuta dago, bakoitzak bere funtzioak eta behebeharrak dituelarik.

  • Barrutiaren zinegotzi-burua:
    Barrutiaren ordezkaria da eta bertako administrazioa zuzentzen du. Barrutiaren ordezkaritza, zuzendaritza, kudeaketa eta ikuskaritza funtzioak betetzen ditu. Alkateak izendatzen du, Udaleko zinegotzien artetik.
  • Barrutiaren zinegotzi-buruordea:
    Zinegotzi-buruaren ordezkoa izatea da bere funtzioa, azken hura gaixotzen denean, bere funtzioa bete ezin duenean edo postua hutsik dagoenean. Alkateak izendatzen du, Udaleko zinegotzien artetik.
  • Barrutiko Udal Batzarra:
    Barrutiko Udal Batzarra kide anitzeko kudeaketa organo bat da, deskonzentrazio bidez eskuratutako eskumenak dituena, eta herritarren, kolektiboen eta entitateen aholkularitza eta partaidetzarako organo goren gisa aritzen da tokiko gaietan.

Barrutiko Batzarra hemeretzi kidek osatzen dute:

  • Barrutiko zinegotzi-burua
  • Barrutiko zinegotzi-buruordea
  • Talde politikoetako zazpi kide: udal ordezkaritza duten talde politikoek proposatzen dituzte. Hauen ordezkaritza udal taldeek Udalbatzan duten ordezkaritzarekiko proportzionala izango da.
  • Auzo elkarteetako bost kide: Elkarteak, zabalik herritar guztientzat, inskribatuta egongo dira Herri Entitateen Erregistroan, eta, kideak hautatzeko, beherago zehaztutako  prozedura erabiliko da.
  • Arloko entitateetako bost kide: Hala nola kultur elkarteak, kirol elkarteak, hezkuntza alorrekoak, etab. Horiek ere, Herri Entitateen Erregistroan inskribatuta egongo dira, eta, aurreko kasuan bezala, kideak hautatzeko, ondorengo prozedura erabiliko da.

 

Auzo elkarteen eta arloko entitateen ordezkari diren hamar kideak hautatzeko sistema

Auzo elkarteetako eta arloko entitateetako kideak hauteskunde bidez hautatuko dira eta deialdia Alkatetzaren Erabakiz egingo da. Deialdia jakinarazten denetik 15 eguneko epean, auzo elkarteek eta entitateek beren hautagai izango den pertsona aurkeztu ahal izango dute. Horretarako, aurkezpen idatzi bat eta hautagaia izendatzen duen organo eskumendunaren erabakiaren ziurtagiria aurkeztu behar dira, auzo elkarteko edo entitateko idazkariak eginikoa.

Behin hautagaiak izendatuta, hauen zerrenda barrutiko bulegoan jarriko da ikusgai, hiru egunez gutxienez bozketaren aurretik, eta bi zerrenda bereiziko dira: auzo elkarteetako hautagaiena eta arloko entitateetako hautagaiena.

Bozkatzeko eskubide materiala auzo elkarteko eta arloko entitateetako presidenteek izango dute, eta bozketa deialdian zehaztutako egun eta orduan egingo da, Altzako Alkateordetzan. Presidenteek edo bozkatzeko eskubidea aitortu dieten pertsonek, karguaren edo bozkatzeko eskubidea ematen dion izendapenaren ziurtagiria aurkeztu beharko dute, nortasun agiriarekin batera. Bozketa amaitzean, botoak zenbatu eta emaitza jakinaraziko da. Hautatuak izan diren ordezkariak izendatuko dira. Bozketa egunaren ondoren, 5 eguneko epea egongo da erreklamazioak egiteko eta mahaiak 5 eguneko epea izango du ere horiei erantzuteko.

Behin erreklamazioen epea agortuta, hurrengo osoko bilkuran, barrutiko kide izendatuko dira bozketan boto gehien izan dituzten auzo elkarteetako 5 ordezkariak eta gainerako entitateetako 5 ordezkariak.

 

BARRUTIKO BILTZARRA

Aholkularitza eta informazio izaera hutseko organoa da. Barrutiko Batzarreko kide guztiek gehi auzo elkarte eta gainerako entitateetako ordezkari banak osatzen dute. Azken hauek barrutiaren esparruan diharduten elkarteak eta Herri Entitateen Erregistroan inskribatuta daudenak izan behar dute.

Biltzarra urtean bitan bilduko da, eta ezohiko moduan, buruak bilkurarako deia egiten duenean edo kideen herenek gutxienez eskatzen dutenean.

ADMINISTRAZIO UNITATEA
Barrutiaren antolakuntzarako, funtzionamendurako eta haren helburuak betetzeko, barrutiak Administrazio unitate bat dauka. Unitate hau ondorengoek osatuko dute:

  • Barrutiko arduraduna
  • Herritarren partaidetzako erdi mailako teknikaria
  • Administraria

Gaur egun, 2023-2027 legealdian, Ekialdeko Barrutiko Batzarra ondoko ordezkariek osatzen dute:

 
  • Zinegotzi-burua: Carlos Garcia Hernandez (PSE-EE)
  • Zinegotzi-buruordea: Martin Ibabe Eceiza (EAJ)
  • Talde politikoetako ordezkariak:
    • Garbiñe Alkiza Lopez de Samaniego (EH Bildu)
    • ​​Zigor Etxeburua Urbizu (EH Bildu)
    • Maria Jesus Idoeta Madariaga (EAJ)
    • Cristina Lagé Manich (PSE-EE)
    • Victor Lasa Briz (Elkarrekin Donostia)
    • Albino Machado (PP)
    • Mikel Osinalde (EH Bildu)
  • Arlo entitateetako ordezkariak:
    • Miguel Angel Diez (Sporting de Herrera)
    • Maria Mercedes Fernandez Boga (Plazandreok)
    • Izko Lekuona Sagarzazu (Bizarrain)
    • Manex Ralla Arregi (Altzania)
    • Enrique Sanchez Blazquez (Altzathletic)​​​​
  • Auzo elkarteetako ordezkariak:
    • Jose Angel Apaolaza Udaquiola (Herripe)
    • Harritokieta Larrañaga Alzaga (IZBE)
    • Mari Mar Martinez Corugeira (Elkartasuna)
    • Diego Moran Ortiz (Buenavista)
    • Jose Eugenio Rojo Pol (Oleta)