Guztira 366 pertsona fisikok (182 emakume eta 184 gizon) eta elkarte batek hautagaitza proposamenak aurkeztu dituzte 2024ko Urrezko Danborra hautatzeko prozesuaren lehen fasean.

Parte hartzen duten pertsonek eta erakundeek ezarritako baldintzak betetzen dituztela egiaztatu ondoren, Herritarren Partaidetzarako Sailak proposamenei lotutako memoria bat egin du. Kontuan hartu dira berdintasunarekiko eta giza eskubideekiko errespetua eta merezimenduen azterketa dagokien eremuan.

Azterketa horren ondoren, 211 proposamen multzokatu egin dira eta 15 baztertu, proposatutako hautagaitzek nortasun juridikorik ez dutelako, saria beste urte batean jaso zutelako edo proposatutako pertsonak prozesuan parte hartu nahi ez duela adierazi duelako.

Horrekin guztiarekin, 141 hautagai-zerrenda dira prozesuan ezarritako baldintzak betetzen dituztenak.

141 hautagaien zerrenda