Lankidetza eta Gizarte Eraldaketarako Hezkuntza
Garapenerako Hezkuntza eta Lankidetzako Aholku kontseilua
Udalerrian Garapenerako Lankidetza eta Hezkuntzaren inguruko printzipioak eta jardunbidea bultzatuko dituen sektoreko partaidetza-organoa da Donostiako Udaleko Garapenerako Lankidetza eta Hezkuntzako Aholku Kontseilua, betiere Giza Garapen Iraunkorraren" ikusmoldearen baitan.
Udal Kontseilu honen aburuz, Garapenerako Lankidetza eta Hezkuntzak berekin dakar Iparrean zein Hegoan parte hartzen duten eragileen arteko bazkidetza eta elkartruke solidarioa, elkarren ezagutza eta formazioa mendekotasun hierarkikorik gabe sustatuz.
Era berean, garapenerako lankidetza eta hezkuntza ekintzak elkartasunaren adierazpide direlakoan dago: justizia soziala eta pertsonen eskubide-berdintasuna bilatzen dute, eta herrien kulturarteko elkarrizketaren bidegile dira.