Lankidetza eta Gizarte Eraldaketarako Hezkuntza

Ekonomia Solidarioak, irizpide etiko, ekologiko, demokratiko eta solidarioekin funtzionatzen duten enpresa eredu eta proiektu sozialen bitartez, erantzun errealak eskaintzen ditu krisiari aurre egiteko.

Espazio publiko eta pribatuaren, partikularra eta kolektiboaren arteko banaketaz harago, nola bihurtu gure etxeak benetako autonomia espazio?

XES ekonomia solidarioa ikuspegi eraldatzaile honekin indartzen saiatzen da. Hitzaldiaren aurkezpena Koop57 kooperatibak egingo du eta Euskal Herriko Ekonomia Sozial Eraldatzailearen Sarea nola sortzen ari den azalduko du.

Latinoamerikako garapen politiken azterketa egingo da, non estrategia erauzleak eragin larria izaten ari diren bai ingurugiroan bai gizartean. Gudynas Latinoamerikako aditu handienetako bat da gai honetan, eta hitzaldi-elkarrizketa hau aukera paregabea da eskualdeko hainbat herriren gobernu aurrerakoien politiken mugen eta kontraesanen inguruan aritzeko.

Biztanleriaren parte zabal bat larrialdi egoeran dago, Gobernuaren murrizketa politikek eragiten ari diren ondorioen erruz. Honen aurrean SAT sindikatuak, hainbat lekutatik etorritako milaka pertsonekin batera, ehunka kilometro egin ditu, Madrilen egindako manifestaldi jendetsu batean elkartzen joan diren M22 Duintasun Martxak sortuz.

Siriako Gobernua nahiz oposizioa aurka dituztela, herrialdeko kurduek autogestioaren aldeko apustu sendoa egin dute. Martxoan hiru urte beteko dira gerra piztu zenetik. Nolanahi, kurduen "hirugarren bidea" deiturikoak itxaropenari bide ematen dio Ekialde Hurbileko anabasaren erdian.

Erakusketa honetan, saharrarek jasaten dituzten giza eskubideen urraketa nagusiak ezagutu ahal izango ditugu, bai okupatutako lurraldeetan bizi direnek bai Tindufeko akanpalekuetan errefuxiatuta daudenek sufritzen dituztenak. Biztanleria zibila jasandako bonbardaketak, tortura, behartutako desagertzeak, epaiketarik gabeko exekuzioak, pertsonen aurkako minak, hilobi komunak eta autodeterminazio eskubidearen ukazioa dira, besteak beste, tratatzen d ...