Udal Aurrekontuak

Txomin Eneako urbanizazioa

3.200.000 euro

Abian da Txomin Eneako hirigintza plana, datozen urteetan hirian garatuko den hirigintza eta etxebizitza babestuak eraikitzeko operazio handia. Horiekin bat, alde honetan uholdeak saihesteko lanak eramango dira aurrera.

+Informazio gehiago

Ekialdeko Barrutiaren sorrera

75.000 euro

Udal kudeaketa lau barruti handitan deszentralizatzeko erabakia hartu du Donostiako Udalak.

Altza, Intxaurrondo, Herrera eta Bidebieta auzoak biltzen dituen Ekialdeko barrutia deitua izango da abian jartzen lehendabizikoa, erreferentzia bihurtuko da adostutako beste hiru barrutiei begira.

Infernua

 270.000€ Hirigintzako antolamendu eta kudeaketarako

Gutxi gorabehera 480 etxebizitza eraikitzeko programa da, horietatik % 60 babes ofizialekoak liratekeenak.

Bost dorretan banatzen dira etxebizitzak, dorreak beren oinetan egokitutako 5.000 metro koadroko zokalo batek elkartuta, espazio horretan komunitate ekipamendurako lokalak izango direla.

+Informazio gehiago

Garbiketa planak

13.178.749 euro

Kontratuko garbiketa enpresaren ibilgailuak berrituta, langile eta makineria gehiago jartzeaz gain "GarbiTu" logo berria eskaintzen baitu, helburua da hiriari itzultzea betiere ezaugarri izan dituen txukuntasuna eta mantenu egoera ona.

Eguneroko garbiketa lanez gain, talka plan bereziak bideratzen dira egoera txarrenean dauden aldeetan.

Emakumeentzako Kontxako Banderaren sustapena

113.000 euro

Donostiako betiko estropadetan emakumeentzako Kontxako Bandera sendotzea da helburua.

Horretarako, emakumeentzako bigarren txanda bat antolatuko da eskifaien kopurua egungoa baino handiagoa izan dadin.

Berdintasun sailetik 9.000 euroko ekarpenarekin.

Su artifizialentzako itsas plataforma

50.000 euro

2015eko Aste Nagusiko emaitza onak ikusirik, Kontxako badiaren erdian egokitutako plataforma batetik kalibre handiko 16 karkasa jaurti baitziren su artifizialen azken egunean, tokiko enpresekin su artifizial handien jaurtiketa nabarmentzeko plataforma bat diseinatzeko eta erosteko erabakia hartu da.

Altzako kiroldegia

2016ko Kontu saila:  3.075.000 euro
2017ko Kontu saila:  7.250.000 euro
2018ko kontu saila:  4.125.000 euro

Egungoa, eraikitzen lehena, erabat zaharkituta geratu dena, ordezkatuko du kiroldegi berriak.

Altzako kiroldegiak bi igerileku izango ditu barruan, ohiko erabilera emateaz gain waterpoloan jokatzeko ere erabiliko baitira.

Turismoko Bulego berria udaletxean

1.200.000 euro

Kontuan izanik Turismoa azken urteetan Donostian hartzen ari den indarra, berriz ere pentsatu beharra dago zer norako eman une honetan Boulevard-ean alokairuan dagoen informazio bulegoari.

Berdeguneak eta zuhaiztiak Mantentzeko. Kalitatea zaintzeko Plana.

4.508.530 euro

Udal gobernuaren xedea da berdeguneak eta zuhaiztiak zaintzeko eta egoera onean edukitzeko planak abiaraztea, azken urteetan ez baitute merezi duten arreta izan.

Bidebieta eta Bizkaia Pasealekua bezalako aldeetan zuhaitzak kimatzeko lan bereziak egiten ari dira une honetan.

Ekonomia sustatzeko plana

8.000.000 euro

Sustapen Ekonomikoko Zinegotzigoak abian jarri duen Donostia/San Sebastián UP! Plana, enpresentzako plan bat da, eta sektore ezberdinak eta zientzia-eta tecnología -sarearekin konexioa sustatzen ditu, pertsonentzat (gazteak, 45 urtetik gorakoak, langabetuak, talentudun pertsonak) eta lurralde-kohesioarentzat, auzo ezberdinen bitartez. Hiriko 70 erakunde baino gehiago aritu dira Planarekin lankidetzan.

Klusterren (Moda, surfa, etab.) Garapena eta Sustapena

475.000 euro

Gizarte-ehun sendoa duen hiria da Donostia. Kluster hauen garapenari begira, funtsezkoa da indartzen eta goraka ari diren diseinua eta moda bezalako sektoreei laguntzea, edo surfa bultzatzea bai haren jolas eta kirol alderdiei dagokienez, bai enpresa eta turismoa erakartzeko duen gaitasunari dagokionez.

Gazteentzako 70 apartamenturen eraikuntza Uliako Mintegietan

2016ko Kontu saila: 295.000 €
2017ko Kontu saila: 2.055.000 €
2018ko Kontu saila: 3.915.000 €

Uliako Mintegi aldean 70 zuzkidura apartamentu eta parke berri bat eraikiko dira. Apartamentu horiek eskuarki 40 m2 eta 45 m2 bitarte izango dituzte.

Lursail horretan bertan oinezkoak eta txirrindulariak ibiltzeko bideak, hiriko espazio libreak eta espazio libre partekatuak aurreikusten dira.

14.001 m2-ko azalera duen Mintegi aldean badira, gainera, 1869. urtean eraikiriko bi ur depositu, egoera onean daude biak.

Biak daude sestrapean, eta depositu horien berritzearekin eta nabarmentzearekin bateragarriak diren komunitate ekipamenduak bi deposituen arteko hutsunean egokitzeko aukera aurreikusten du Plan orokorrak.

Iztuetako Zubi-bidearen egokitzapena

2016ko Kontu saila: 700.000 euro
2017ko Kontu saila: 700.000 euro

Zubi-bide hau egokitzeko lanak egingo dira, agerian geratu baita azken urteetan pixkana-pixkana hondatu egin dela.

Zubi-bideko "begi" batzuetan agerikoak dira itoginak eta iragazpenak, azaleko geruza atal harrotuak eta behera etorritako zatiak; horiek horrela, itxi egin behar izan zaie zubi-bidea oinezkoei.

Prestakuntza/aholkularitza/esku-hartzea babesik gabeko adingabeentzat

870.000 euro

Zortzi gizarte zerbitzuguneetan aritzen diren psikologo komunitarioen sareak bere gain hartzen du babesik gabeko haurren ardura.

Hezkuntzari, aisialdiari, eta abarri lotutako hainbat agenterekin lan egiten dugu. Horrek aukera ematen digu goiz hautemateko non egon daitekeen arriskuren bat adingabearentzat.

Eta, terapeuta eta hezitzaile talde baten laguntzaz, esku-hartze sakon bat gauzatzen dugu adingabekoekin eta familiekin.

Askatasunaren hiribidearen ingurua hobetzea

800.000 euro

Askatasunaren hiribidea hiriaren erdialdeko oinezkoen ardatz handiekin gurutzatzen den tokietako zoladuran esku hartzea, haiei jarraipena emateko.

Irisgarritasun jasangarria hobetzeko lanak Aieten

600.000 euro

Morlansko bidegorriko tuneleko sarbidetik Aieteko Melodiko biribilguneraino dagoen 38 metroko kota-aldea gainditzeko, guztiz berria den ibilgailu bat jarriko da, etzana, 143 metroko ibilbidea egingo duena eta 25 pertsonarentzako edukiera izango duena.

Eta beste igogailu bat ere jarriko da, bertikala, Pio Barojaren eta Aiete pasealekuaren arteko desnibela gainditzeko.

Ikastetxee zentroen hobekuntzak (Eusko Jaurlaritzarekin elkarlanean)

290.611 euro

Ikastetxeen bizigarritasuna, segurtasuna eta osasungarritasuna hobetzea da, oro har, lan hauen helburua. Kanpoko jolasguneak estale, kanpoko arotzeriak ordezkatu eta abar.

Euskara ikasteko diru laguntzak

 302.604 euro

Euskara Zerbitzuak euskara ikasteko diru laguntzak ematen dizkie donostiarrei edota bertan lan egiten dutenei.

Langabetuentzako doako ikastaroak eskaintzen ditu udazkenean, 60 orduko ikastaro berezituak eskaintzen dira gurasoentzat, merkatari eta ostalarientzat, etorkinentzat, jubilatuentzat eta abar.

DSS2016 Fundazioari diru-ekarpena

4.978.999 euro

"Uda gau bateko ametsa" antzezpena, Altzoko Handia ikuskizuna, Tosta Atlantikoko hizkuntza aniztasunaren bidea, 2016bidea: ibilian egiten da kultura, Time Machine Soup ikuskizuna, Hondar Artean: sormena eta gogoeta jaima baten azpian, Stop War Festibala, Zinema eta Giza Eskubideen Europa eta abar.

Biktimen aitorpena

24.500 euro

Gure hiriko terrorismoaren eta indarkeriaren biktimek egia, justizia eta erreparazio eskubidea dute.

Udalak, nagusiki Giza Eskubideen Batzordearen bitartez, lanean jarraituko du biktima guztien, bazterkeriarik gabe, eskubide horiek guztiak betearazteko.

Horretarako, jokabide hurbila , eta oroitza-ekitaldiak eta omenaldiak antolatuz.

Berrikuntza administrazioan / Proiektu berriak

902.000 euro

Faktura elektronikoa: eskaeren eta fakturen sarrerak eta onarpen elektronikoko fluxuak, Udalaren kontabilitate-egituretan oinarrituak; gaur egun, proiektu berri batzuk lantzen ari dira, hala nola, bide publikoan jarduteko baimenak kudeatzea, identifikazio bakarra (single sing-on), smartcitiak eta trafikoa kontrolatzeko sistema berria −sistema horrek bide ematen die mugikortasun teknikariei semaforoen funtzionamendua planifikatzeko, bidegurutzeei plan desberdinak aplikatzeko, trafiko bolumenari buruzko informazioa jasotzeko, e.a.

Zaharrentzako 55 apartamenturen eraikuntza Intxaurrondon

2016: 1.851.000 euro

2017: 3.283.000 euro

Intxaurrondo auzoak pertsona adintsuentzako eraikin berri bat izango du, 55 apartamentu izango ditu. 1.500 metro koadro pasatxo ditu eraikinari leku egingo dion lursailak, aldapa leun batean egokitzen da. Batez beste 45 metro koadro izango dituzte pertsona adintsuentzako apartamentuek, lehenengo eta seigarren solairuen artean egokituko dira. Azken horretan egongo dira minusbalioak dituzten herritarrentzako bost apartamentu egokituak.

Turismoaren Plan Estrategikoa (2020)

427.000 euro

Datozen urteei begira beste Plan Estrategiko bat landuko da hiria gero eta kopuru handiagoan etortzen diren turistei eta bisitariei egokitzeko. Helburua da turismoa udako sasoiaz gaindi sustatzea, bisitariak urte osoan zehar erakartzea eta gure merkatua nazioartean areago sustatzea, geure eskaintza turistikoaren kalitatea eta bikaintasuna azpimarratuz.

Haurren Danborradan sukaldaria txertatzeko diru-laguntza

38.700 euro

2016. urtean eta salbuespen gisa, aurrekontu-sail bat gaitu da hala nahi duten Haurren Danborradako konpainia guztiei desfilean sukaldariaren irudia txertatzeagatik, helduen Danborradan bezala, sortzen diren gastuei aurre egiteko diru-laguntza bat emateko. Diru-laguntza jaso ahal izateko, gutxienez hamabi sukaldari izango ditu konpainia bakoitzak.

Gune Publikoa Kudeatzeko Unitatearen Sustapena lizentzien gaia arintzeko

130.317 euro.