Udal zerbitzuak eman edo iharduerak egiteagatiko prezio publikoak 1998

1. artikulua.

Gipuzkoako Toki Ogasunak arautzen dituen 11/1989 uztailaren 5eko Foru Arauak prezio publikoei buruz xedatzen duenarekin bat, udal zerbitzuak eman edo iharduerak egiteagatiko prezio publikoak arautu eta galdatu egiten dira.


2. artikulua.

Ordenantza honek arautzen dituenen barruan, ondorengo prezio publikoak egongo dira: Udal honen eskuduntzako zerbitzuak nahiz administrazio-iharduerak emateagatik ordaintzen diren diruzko ordainak, beti ere bi hauetako bat gertatzen denean:

a) Administratuek obligazioz eskatu edo hartu behar dituzten zerbitzu publikoak nahiz administrazio-iharduerak ez izatea.

b) Zerbitzu publikoak nahiz administrazio-iharduerak sektore pribatuak eman edo egin ditzakeenak izatea, bai partikularren iharduketarik edo aginte-adierazpenik ez dakartelako, bai indarreko arauteriak Udalaren alde erreserbatutako zerbitzuak ez direlako.


3. artikulua.

Prezio publikoak ordaintzeko betebeharra zerbitzu nahiz iharduerez onura eskuratzen dutenek izango dute.


4. artikulua.

1. Prezio publikoak erabaki eta aldatzea Udalbatzarraren eskumena da Gipuzkoako Toki Ogasunak arautzen dituen 11/1989 uztailaren 5eko Foru Araueko 50. artikuluan xedaturikoaz bat.

2. Zerbitzu publikoen zenbatekoa eskatutako edo egindako zerbitzu edo iharduera bakoitzeko ordainduko da, eta murriztezina izango da eraskinean, baldintzen orrian, kontratuan edo onarpen-ebazpenean adierazitako aldiekiko.

3. Prezio publikoen zenbatekoa, zerbitzuaren helburu, ezaugarri eta erabilgarritasunaren arabera zehaztuko da.

4. Ondorio horietarako, Kaleak Mailen arabera sailkatzen dituen Ordenantza Arautzailea ezarriko da.


5. artikulua.

Prezio publikoak honela ordainduko dira:

1. Zerbitzuak eman edo iharduerak egitean, zerbitzua eman edo iharduera egin baino lehen, baldintzen orrian, kontratuan edo onarpen-ebazpenean agertzen den eran eta epean.

2. Izaera dela eta aurretik ordaindu ezin diren zerbitzuak ematen direnean edo iharduerak egiten direnean, ordainagiri bakoitzean aipatrzen den eran eta epean.

3. Aldizkako zerbitzuak eman edo iharduerak egiten direnean, padroi edo erregistro baten bitartez kudeatuz gero, agiri honen onespen-izapidean aipatutako epean.


6. artikulua.

1. Zerbitzua eskatzen duenaren eta Udalaren artean sortuko diren eskubideak eta betebeharrak zerbitzu mota bakoitzaren baldintza ekonomiko-administratiboen orri-ereduan ezarriko dira. Orri horiek Gobernu Batzordeak onetsi beharko ditu, Udal Zerbitzu Teknikoek proposaturik.

2. Baldintzen orri-ereduetan ondorengo alderdiak sartu beharko dira:

a) Ematen den zerbitzuaren deskribapena eta iraupena; aldizkakoa den ala ez esanik.

b) Zerbitzua erabiltzen duenaren diruzko betebeharrak, prezio publikoaren zenbatekoa tarifaren arabera, ordaintzeko moduak, eta kasuan kasu eska daitezkeen bermeak.

c) Behar izanez gero, aurretiazko gordailua.

d) Zerbitzua modu egokian eman dadin eskatzaileak dituen ez diruzko betebeharak.

e) Zigorpenak, orrian jasotako betebeharrak ez betetzeagatik.


7. artikulua.

Zerbitzuaren eskatzaileak orri-ereduko baldintzekiko adostasuna orria izenpetuta adieraziko du.


8. artikulua.

Zerbitzuaren nolakotasuna dela-eta baldintzen orri-eredua sinatzea beharrezkotzat jotzen ez denean ere, horiek zerbitzu-eskatzailearen esku egongo dira.


9. artikulua.

Prezio publikoa ordaintzeko betebeharra duenari egotz ezin dakizkiokeen arrazoiengatik iharduera egiten ez denean, bidezkoa izango da zenbatekoa itzultzea.


10. artikulua.

Udalak premiamendu-prozedura administratibo bidez eska ditzake prezio publiko hauengatiko zorrak.


Azken xedapena

Ordenantza honek 1998ko urtarrilaren 1etik aurrera izango ditu ondorioak, eta indarrean iraungo du indargetu edo aldatzea erabaki arte.


Xedapen indargetzailea

Aurreko Udal Zerbitzuak edo Iharduerak emateagatiko Prezio Publikoak arautzen dituen Ordenantza indarge geratu da.


EGINBIDEA: Honen bidez aditzera ematen da Udal Zerbitzuak eman edo Iharduerak egiteagatiko Prezio Publikoak arautzen duen Eraskina 1997ko Urriaren 14an egindako Udalbatzarrean behin-betiko onartu zela. Ezarritako aldaketak 1997ko Abenduaren 31ko 249.GAOn argitaratu ziren.