EMUSIK 2024 musika eta dantza jaialdia

Donostiako Udalaren Musika eta Dantza Eskolaren urteroko jaialdia gonbidatu bereziekin eta aniztasun gehiagorekin itzuliko da maiatzaren 2tik 5era

Donostiako Udalaren Musika eta Dantza Eskolako ikasleak prestatzen ari dira hiria liluratzeko, maiatzaren 2tik 5era Egiako Blas de Otero plazan egingo den EMUSIK 2024 jaialdian. 800 ikasle baino gehiagoren lanari garrantzia ematen dion ekitaldi hau gogo eta energiaz beteriko ikuskizuna izango dela aurreratu dezakegu.

Musikako ikasleek kalea hartuko dute maiatzaren 2tik 4ra. Hiru egunez, guztira 25 taldek joko dute agertokian eta urtean zehar ikasitakoa praktikan jarriko dute, bandak, abesbatzak, konboak eta orkestrak barne. Aurtengo berrikuntza zirraragarri bat Musika Gertuko ikasleen inklusioa da, hiriko gune zehatzetan musika irakaskuntza eskuragarriago egiteko ekimenaren parte diren ikasleak hain zuzen. Talde honek Elektrotxarangarekin bat egingo du larunbatean 19:00etan emanaldi berezi bat eskaintzeko. Egun berean, Eskolako Irakasle Taldeak errezitaldia eskainiko du 20:30ean, egun horretako kontzertu sortari amaiera emanez eta guraso zein haurrak dantzaraziz eta gozaraziz.

Igandean, maiatzaren 5ean, Dantza Klasikoko, Dantza Garaikideko eta Euskal Dantzako ikasleek ikasturtean zehar landutako hainbat emanaldi aurkeztuko dituzte. Dantzak amaiera emango dio musikaz, dantzaz eta komunitatez betetako asteburuari.

Doako sarrerarekin eta giro abegikor eta familiarrarekin, EMUSIK 2024 Donostian sortzen ari den talentua ospatzeko eta hirian paregabea den esperientzia kulturalaz gozatzeko aukera bat da.

Gonbidatu bereziak

Donostia Musikari Gazteen Europako Jaialdiaren anfitrioia izan zen 2016an. Orduz geroztik, Eskolak EMUSIKen urteroko emanaldiak antolatu ditu, Eskolatik kanpoko taldeak gonbidatuz eta guztientzako musika eta dantza gune bat sortuz.

EMUSIKen aurtengo edizioan, hainbat gonbidatu berezik hartuko dute parte, jaialdia are gehiago aberastuko dutela. Horien artean, nabarmentzekoak dira EHMEren emanaldia, non behar bereziak dituzten ikasleek beren talentua erakutsiko duten, eta Simon Ezquiaga Musikanaizko eta Eskolako ikaslearen kontzertua. Aurkezpen horiek ekitaldiari dimentsio bakarra gehitzeaz gain, musikaren arloko aniztasuna eta potentziala ere nabarmenduko dituzte.

Gainera, Irungo Belaskoenea Abesbatzak gure etxean parte hartuko duen lehen aldiz Eskolako Abesbatza Txikiarekin batera. Bestalde, igandean Plus55 programako ikasleen dantza emanaldiaz gozatu ahal izango dugu. Programa horren helburua gizarte talde ezberdinen arteko partaidetza eta topaketa sustatzea da.

Instrumentuen erakusketa

Bigarren urtez, Eskolak instrumentuen erakusketa antolatu du 7 urteko ikasleentzat. Ekitaldi honetan, Eskolan eskuragarri dauden instrumentu guztiak erakutsiko dira, eta irakasle espezializatuek horietako batzuei buruzko azalpen zehatzak emango dituzte, oboea eta fagota, biolina eta txirula, besteak beste. Ekimen honek esperientzia aberasgarri bat eskaini nahi du, instrumentuak hurbiletik arakatu ahal izan ditzaten eta beren etorkizun musikalari buruzko erabaki informatuak har ditzaten.

UEMyD jaialdia

EMUSIK gonbidatu berezien etorrerari beti irekia dago eta horren arrakastaren luzapen gisa atsegin handiz iragartzen dugu UEMyD Banden Lehen Topaketa, 2024ko maiatzaren 10etik 12ra Donostian egingo dena. UEMyDek EHMErekin eta Donostiako Udalaren Musika eta Dantza Eskolarekin lankidetza estuan antolatutako ekitaldi zirraragarri honen helburu nagusia ikasleen arteko batasuna sustatzea da, musika eta esperientzia partekatuz.

Topaketa bi egunetan zehar egingo da. Maiatzaren 11n, larunbatean, UEMyD Banden Lehen Jaialdia izango da Alderdi Ederren 19:00etan. Ekitaldi honek bertaratutakoak liluratuko ditu, 200 ikasle baino gehiagok batera joz. Bigarren egunean, maiatzaren 12an, igandean, El Prat de Llobregateko, Sant Boi de Llobregateko, Bergako, Madrilgo eta Hernaniko bost talde Pasaia, Lezo, Astigarraga eta Hernanin zehar barreiatuko dira. 12:30etatik aurrera, guztiek aldi bereko emanaldiak eskainiko dituzte Gipuzkoako hainbat tokitan, musikaren bidezko batasuna sinbolizatuz.

EMUSIK 2024 programa

Maiatzak 2, osteguna:

• 17:00: Perkusio Taldea
• 17:30: Saxo Ensemblea + Dantza
• 18:00: Saxo Ensemblea
• 18:30: Atzegiko ikasleak
• 19:00: Musika Gertu + Elektrotxaranga
• 19:30: Atotxako Flautistak
• 20:00: Abesbatza Heldua
• 20:30: Trikitixa Taldea

Maiatzak 3, ostirala:

• 16:45: Trikitxaranga
• 17:00: Simon Ezquiaga
• 17:30: I.mailako Ikasleak
• 18:00: Orkestra Txiki
• 18:30: Orkestra Gazte
• 19:00: Banda Gazte
• 19:30: Abesbatza Barrokoa
• 20:00: Big Band IV
• 20:45: Big Band III

Maiatzak 4, larunbata:

• 17:00: I. mailako Ikasleak
• 17:30: Abesbatza Txikia
• 18:00: Banda Txiki + EHME
• 18:30: Banda Heldu
• 19:00: Plus Brass Band
• 19:30: Atotxako comboa
• 20:00: Herrerako comboa
• 20:30: Irakasleen Taldea

Maiatzak 5, igandea:

• 12:15-14:00: Dantza

UEMyD Banden Topaketa programa

Maiatzak 11, larunbata:

• 19:00: UEMyD Banden Jaialdia, Alderdi Eder

Maiatzak 12, igandea:

• 12:30: Blue Band (L'Escola d'Arts en Viu, El Prat de Llobregat), Kontxa Etxeberria Plazan, Astigarraga
• 13:00: Blai Band (Escola Municipal de Música Blai Net de Sant Boi de Llobregat), Serafín Esnaola plaza, Trintxerpe
• 12:30: Hernaniko Gazte Banda (Hernani Musika Eskola Publikoa, Hernani) y Banda de l’EMMB (Escola municipal de música de Berga i Conservatori dels Pirineus, Berga), Udaletxeko arkupeetan, Hernani
• 12:30: Banda Juvenil De San Martin De La Vega (Escuela Municipal De Música Y Danza De San Martin De La Vega, Madrid), Gurutze Santuaren plazan, Lezo