ARAUDIA

Saria eta saria ematea Udal Agurgarriko Ohore eta Goraipenei buruzko erregelamenduan dago araututa, eta eduki hau dute:

7.- KAPITULUA. Urrezko Danborra

32. Artikulua.

Urrezko danborra urrezko ezaugarria izango da, paparrean eramateko modukoa. Aurrealdean danborra eta bi zotzak agertuko dira, hauek soketan bermaturik. Atzealdean Donostia, ezaugarriaren hurrenkera zenbakia, eguna eta sarituriko lagunaren inizialak. Ezaugarria bera ez ezik, sariturikoari danbor bat ere emango zaio, non Donostiako armarria agertuko baita eta horren eskuinaldean ezaugarriaren irudia eta honako lelo hau, euskaraz eta gazteleraz: «Donostiako Kultura eta Turismo Ekintzetxeak (Donostiako Udala) Urrezko Danborra deritzon saria eman dionari beregan bildu dituen merezimenduak direla eta.

33. Artikulua

Urrezko danborraren helburua da sari bat ematea eguneroko lanarekin, ibilbide eta proiekzio profesionalarekin edo beste zerbaitekin Donostiak kanpo aldera ematen duen itxura on eta erakargarria sendotzen nabarmen eta 5 aktiboki lagundu duen pertsona fisiko nahiz juridikoari, laguntzeko modua turismo ahalmena handitzea, Donostia ezagutzeko bidea ematea, kanpora ematen duen itxura sendotzea edo beste herrialde, hiri, erakunde eta pertsona batzuekiko ezagupen eta laguntasun harremanak sustatzea izanik ere. Pertsona hil eta gero ere eman daiteke sari hau, hala komeni dela iritziz gero.

34. Artikulua

Urtean Urrezko Danbor bakarra izendatuko da, saria eman gabe ere utz daitekeela. Ezaugarriak eta egiaztagiriak alkateak banatuko ditu jendaurreko omenaldi ekintza publikoan, hiriko Zaindariaren jaiegunean.

35. Artikulua

Izangaia aukeratzeko Kultura eta Turismo Ekintzetxeko Zuzendaritza Batzordeak izangaien merezimenduen araberako hurrenkeran gauzaturiko proposamena prestatuko du, horrela behin betiko sariduna aukeratu ahal izateko irizpideak izan ahal izateko. Hautagai bat baino gehiago izanez gero, isilpeko bozketa egingo da, saria boto gehien eskuraturiko lagunari izendatuko zaiola. San Sebastián Turismo/Donostia Turismoa, SAren proposamena Donostiako Udalbatzarrak berretsi beharko du osoko bilkuran udalkideen legezko gehiengo absolutua dagoela.

36. Artikulua

San Sebastián Turismo/Donostia Turismoa, SA baltzuak «Urrezko Liburuan» erroldatuko ditu urtez urte saria eskuraturiko lagunen izen-deiturak, sariturikoek aukera izango dutela mezuren bat idazteko.
 

HAUTAKETA PROZEDURA

1.- Donostian erroldatutako pertsona fisikoen edo juridikoen edo Udal Taldeen Proposamenak jasotzeko epearen irekiera. Sariaren deskribapen objektibo bat eramango du ere. Proposamenekin batera, beren justifikazioa bidaliko da ere.

2.- Idazkaritza Orokorra eta Herritarren Parte-hartzearen txostena, baldintzen betetzearen inguruan (auzotasuna, saria iraganean jaso ez izana, etab.).

3.- Herritarren Parte-hartzeak proposamen bakoitzaren Merituen Memoria bana egingo du.

4.- Bozeramaileen Batzordeak 3 hautagaitza egokiak edo bereziki nabarmenak aukeratuko ditu, boto haztatuaren bitartez, parekotasun irizpideak bereziki aintzat hartuz. Saria onartzeko borondatea galdetuko zaie aukeratutako pertsonei, egingo den bozketa herrikoia jakinaraziko zaielarik.

5.- Hautagaiak aukeratuta, bozketa herrikoia, sistema bizkor bikoitzaren bidez: elektronikoa eta papera Kultur Etxetan edo Udaletxean (Ijentea) aurkeztuz.

6.- Bozketa eginda, boto gehien lortu duen pertsonaren nortasuna jakinaraziko da.

7.- Salbuespenez, hautagai-zerrenda garrantzitsuak hautatzeko prozesuan, Bozeramaileen Batzordeak, eskatutako gehiengoa izanik, hautagai-zerrendetako baten egokitasuna eta garrantzia kontuan hartzen baditu, gehiengo horrekin berarekin, saria emateko proposamena aurkeztu ahal izango dio Turismo Sozietateari zuzenean, herri-bozketaren prozesura jo gabe.