Proiektuaren obra nagusiak honako hauek izan dira: Kontxa pasealekua, Zubieta eta San Martin kaleen arteko lotura aldatzea, elkargune bat sortuz, eta seinaleztapena egokitzea, bertikala zein horizontala, semaforoak jartzea eta ordenatzea, Zubieta, San Martin, Arrasate eta Marina kaleetako zirkulazioaren noranzkoak aldatu ahal izateko.

Era berean, Kontxa pasealekuko bidegorria luzatu da, San Martin kalean bidegorri bat sortuz, Easo kalean dagoen bidegorriarekin lotzen den arte. Espaloi batzuetan aldaketak egin dira, zabalera eta/edo irisgarritasun handiagoa emateko.

Azkenik, garraio publikoko hainbat geltoki aldatu dira: Zubieta plaza eta Urbieta kalean, batez ere.

Lehen fasea amaitu da.

Etorkizunean, HMJParen garapena fase berriekin osatuko da. Fase horietan Bertakoen Lehentasuneko Eremuak (BLE) definitu eta martxan jarriko dira, bizikleta sarea zabalduko da eta garraio publikoaren trafikorako lehentasunak ezarriko dira.