Donostiako Udalak, iaz bezala, EMUSIK jaialdia antolatu du maiatzaren 4tik 6ra, Antzoki Zaharrean eta Blas de Otero Plazan. Donostiako Udalaren Musika eta Dantza Eskolako 700 ikasle inguruk hartuko dute parte dute Banda Txiki, Orkestra Txiki, Abesbatza Gaztea, Dantza Klasikoa eta Konbo taldeetan.
Musika eta dantza ekitaldiez gain, hiru egunetan zehar Argazki Rally-a eta txikientzako Marrazki Lehiaketa egingo dira.
2016 Hiriburutzako, Kulturako, Euskarako eta Hezkuntzako zinegotzi Miren Azkaratek azpimarratu du: “EMUSIK 2017 jaialdiak musika eta dantza eskolen topagunea izan nahi du”.
Bestalde, zinegotziak adierazi du “2.000 ikasle dituen Eskolaren lana eta jardueren erakusleihoa izango dela EMUSIK donostiarrentzat”.
Maiatzaren 4an, 20:00etan, Gari, Montxo eta Joselontxo pailazoek gidatutako Emusik jaialdiaren irekiera ekitaldia egingo da, Antzoki Zaharrean. Marrazki lehiaketaren irabazleen izenak ezagutuko dira bertan.
Maiatzaren 5ean eta 6ean, Blas de Otero Plaza hainbat jarduera antolatu dira 17:00etatik 22:00etara.
EMUSIK 2017- Argazki Rally-a
Maiatzaren 4an eta 5ean izango diren emanaldien argazkiak jasoko dira argazkirallya@donostiaeskola.eus helbidean. Edonork parte har dezake bere telefono zein argazki kamera erabilita.
Sari banaketa maiatzaren 6an egingo da arratsaldeko 19:00etan.
14 urte artera arte: 50 euroko bonoa ELKAR dendan
15 urtetik gora: 100 euroko bonoa ELKAR dendan
EMUSIK 2017- Marrazki lehiaketa
12 urtera arteko Donostiako Udal Musika eta Dantza eskolako ikasleek parte hartu dute eta Musika edo Dantzarekin zer ikusia duten marrazkiak aurkeztu dituzte apirilaren 28ra arte. Sari banaketa: Maiatzaren 4ean Antzoki Zaharrean arratsaldeko 20:00etan.
Egitaraua:
MAIATZAK 4 - ANTZOKI ZAHARRA
Arratsaldeko 20:00etan hasiko da emanaldia. Sarrerak lortzeko ostiralean bertan goizez 10:00etatik 13:30etara eta 19:00etan Antzoki Zaharreko leihatilan lor daitezke (pertsona bakoitzeko bi sarrera jaso daitezke).
Gari, Montxo eta Joselontxo pailazoak egingo dituzte gidaritza lanak eta Donostiako Udal Musika eta Dantza Eskolako Banda Txiki, Dantza Klasikoko ikasleak eta amaitzeko Konboak izango dira ilunabarra girotzen.
MAIATZAK 5 - BLAS DE OTERO PLAZA
17:00-17:30 Trikitilariak + Txistulariak + Euskal Dantzak
17:30-18:00 Gitarra taldea
18:00-18:30 Atotxako Flautistak
18:30-19:00 Banda Txiki
19:00-19:30 Banda Gazte
19:30-20:00 Orkestra Gazte
20:00-20:30 Abesbatza
20:30-21:00 Dantza Klasikoa
21:00-22:00 Big Band
MAIATZAK 6 - BLAS DE OTERO PLAZA
17:00-17:30 Trikitilariak + Txistulariak
17:30-18:00 Klarinete Ensembleak
18:00-18:30 Orkestra Txiki
18:30-19:00 Banda Heldu
19:00-19:30 Argazki Rallyaren sari banaketa
19:30-20:00 Dantza Garaikidea
20:00-22:00 Konboak
Blas de Otero plazan musika eta dantzez gain txozna bat ere izango da eta MusikOporrak-eko lagunak ere izango dira txikitxoentzako jolasekin.