Donostia.eus - [Berria] EB-ko presidenteordeak babesa eman dio Donostian Replicate proiektu jasangarriari.

Logo Ayuntamiento

EB-ko presidenteordeak babesa eman dio Donostian Replicate proiektu jasangarriari.

Maros Sefcovic-ek “Urumea Riverside” proiektua bertatik bertara ezagutu du

Europar Batasuneko presidente orde eta Union Energy ekimen komunitarioaren arduradun Maros Sefcovic-ek “Urumea Riverside” proiektua bertatik bertara ezagutu du, hain zuzen ere, EB-k berak sustatzen duen proiektua. Eta Donostia da, Bristol eta Florentzia hiriekin batera proiektua garatzeko hiru hirietako bat.

Sefcovic-ek Donostiaren ekimenak ezagutu ditu, hain zuzen ere, proiektu komunitarioaren barruan sustatzen ari dituen ekimenak, eta besteak beste, teknologia berriak, garraio elektrikoa eta hirietan energiaren eraginkortasuna bultzatzen dituzten ekimenak. EBren presidente ordeak proiektua ezagutu du Eusko Jaurlaritzako Ekonomiaren Garapena eta Azpiegituretako sailburu Arantza Tapiarekin eta Donostiako alkate Eneko Goiarekin batera.

Gainera, bisitan parte hartu dute ere: Eusko Jaurlaritzako Europako Gaietako zuzendari Mikel Antonek, Garapen Ekonomikoko zinegotzi Ernesto Gascok, Donostiako Sustapaneko zuzendari Euken Sesek, dBuseko gerente Igor Gonzalezek, Teknaliako zuzendari orokor Iñaki San Sebastianek, eta Amenabar eta Campezo enpresetako ordezkariek, hain zuzen ere, Txominenearen garapenean lan egiten ari diren enpresetako ordezkariek.

Donostia Replicate programan garatzeko aukeratua izan zen Urumea Riverside proiektuari esker. Proiektua hainbat ekimenatan zehazten da, besteak beste, segidakoak: udal parke mugikorrarentzat ibilgailu elektrikoen erosketa; hirian elektrizitatea berriro kargatzeko puntuen instalazioa; dBuseko 26 linea (Martutene-Erdigunea) %100 elektrikoa izatea; hiri-kudeaketan informazioaren teknologien aplikazioa; eta “District Heating” energia-eraginkortasunaren proiektua Txominenea berrian, hain zuzen ere, egun eraikitzen ari den Txominenea berrian.

EBren presidenteorde eta Gai Energetikoen arduradun nagusia, zein Ekonomia Garapenaren sailburua oso pizik daude Donostiako proiektuaren garapenarekin, izan ere, hiri-jasangarriaren garapenaren politiken sustapenaren barruan dago.

Ekonomia Garapenaren sailburuak Donostian garatzen ari den proiektuaren Europar izaera azpimarratu du eta honakoa esan du: “Oso garrantzitsua da mugikortasun paradigma berriak sartzea, hain zuzen ere, Eusko Jaurlaritza inplikatuta dagoen paradigmak, izan ere, horietako asko Gipuzkoako hiriburuan inplementatzen ari dira”. Hortaz, Arantza Tapiak gogorarazi ditu, ibilgailu autonomoaren esperientzia, hain zuzen ere, iaz Miramongo Teknologia Parkean garatu zen ibilgailu autonomoa; elektrizitatea kargatzeko sarea Cidetec-en eskutik; edo Miramongo Teknologia Parkean ikertzen ari diren sistema energetiko berriak.

Donostiako alkate Eneko Goiak adierazi du oso garrantzitsua izan direla hiriaren eta Udal departamentu ezberdinen inplikazioa proiektuan, izan ere, hiria Europako abangoardia politiken erdian jartzen du.
Erlazionatutako dokumentuak

2017/03/17-an argitaratua