El tiempo13ºC

Postua eskatzea Bigarren Eskuko Azokan: Donostiatruk

Telematikoki

Hasi

Telefono bidez

943 483 390

Tramitearen deskribapena

Donostiatruk bigarren eskuko azoka da, Donostiako udal gobernuko Ingurumen Zuzendaritzak antolatutakoa.

Hauek ditu helburu:
  • Herritarrei erraztea erabilitako objektuak berrerabil ditzaten.
  • Berrerabileraren eta hondakinen prebentzioaren filosofia eta praktika sustatzea.
  • Bigarren eskuko azokei prestigioa ematea.

Azoka hilero egiten da, larunbat batean, 10:00etatik 14:00etara bitartean. Ikusi hemen egutegiaren xehatasunak.

Informazio gehiago Donostiatruki buruz

Zeinek egin dezake eskaera

  • Herritarrak oro har
  • Elkarteak, ikastetxeak eta Donostian erregistratutako herri entitateak (guztiak irabazi asmorik gabekoak)
Ikus Donostiatruken parte hartzeko arauak

Noiz egin daiteke eskaera

Urte osoa

Beharrezko dokumentazioa

Izena aurrez eman behar da, dagokion inprimakia beteta.
Postua esleituta duten pertsonek baliozko identifikazioa aurkeztu behar dute azoka egunean.
Lehen aldiz parte hartzean, nortasun agiri nazionalaren kopia bat eman behar da.

Eranskinen gehienezko tamaina: 10 Mb

Ordainketaren zenbatekoa

Postua jartzea doakoa da.

Ebazpen eta isiltasun zentzuaren epea

  • Epe legala: 3 hilabete
  • Isiltasun zentzua: Ez dagokio
Postuaren esleipena azoka asteko asteazkenean berretsiko da, beranduenez.

Prozesuaren urratsak

  1. Eskabidea erregistratzea: azoka bakoitzerako izena emateko epea azoka baino astebete lehenago amaitzen da (ostiraleko 14:00ak arte telefonoz egiten bada eta igandeko 00:00ak arte Internet bidez egiten bada).
  2. Izena eman duten pertsona guztiei jakinarazten zaie posturik esleitu zaien edo ez, azoka asteko asteazkena baino lehen.
  3. Azokan parte hartuko dela berretsi behar da, azoka asteko osteguna baino lehen.
  4. Azoka egunean, partaideei harrera egiten zaie, 09:00etatik 10:00etara bitartean. Posturen bat esleituta duten guztiek arduradunarengana jo, identifikatu (NAN erakutsi) eta arauen onarpen orria sinatu behar dute. Hark erakutsiko die zer leku dagokien.
  5. Azoka 14:00etan amaitzen da. Ondoren, eramandako guztia jaso behar da. Parte hartzaile guztiek lagundu behar dute, modu aktiboan, azoka eremua garbi uzteko.

Izapidearen arduraduna

Departamentua: Osasuna eta Ingurumen Zuzendaritza

Erlazionaturiko tramiteak

Bestelako informazio interesgarria

*Norbanakoen kasuan, pertsona bakarrak eman dezake izena helbide bakoitzeko.
*Bigarren eskuko azokak badu on-line bertsioa: ikus DONOSTIATRUK azoka birtuala

Datu babesa

Datuen babesa

Aurkibidera itzuli Atzera itzuli