Donostia.eus - [Tramitea] Establezimenduen errotuluak euskaraz edo euskaraz eta gaztelaniaz jartzeko diru laguntzak

Establezimenduen errotuluak euskaraz edo euskaraz eta gaztelaniaz jartzeko diru laguntzak

Abisu garrantzitsua: COVID-19 Osasun krisia

  • Behin-behineko bide elektronikoak, tramiteak egin eta idatziak aurkezteko Erregistro Elektronikoan. (Informazio gehiago)
  • Ostalaritzako Terrazak zabaltzeko eskaera. (Eskatu)

Telematikoki

Tramitea hasi aurretik eskabide inprimakia bete

Hasi

Presentzialki

Tramitearen deskribapena

Donostiako merkataritza, ostalaritza eta beste zerbitzu batzuk eskaintzen dituzten establezimenduen kanpoko errotuluak euskaraz edo euskaraz eta gaztelaniaz jartzeko dirulaguntzak ematen ditu Donostiako Udaleko Euskara Zerbitzuak. Horretaz gain, arestian aipatutako establezimenduetako barruko errotulazioa euskaraz edo euskaraz eta gaztelaniaz jartzeko dirulaguntza ere bai.


Diruz lagundu daitekeena
Euskaraz
Euskaraz eta gaztelaniaz
Merkataritza, ostalaritza eta beste zerbitzu batzuk eskaintzen dituzten establezimenduen kanpo errotulazioa
% 50
500 euroko mugapean
% 20
300 euroko mugapean
Establezimenduen barruko euskarri finkoak
% 60
1.200 euroko mugapean
% 50
1.000 euroko mugapean
Establezimenduen barruko seinaletikoa
% 60
220 euroko mugapean
% 50
200 euroko mugapean
Eskaintzen diren zerbitzuen, produktuen eta prezioen idatzizko euskarriak (menuak, karta, katalogoak, oparirako tiketak...)
% 60
600 euroko mugapean
% 50
500 euroko mugapean
Establezimenduetako erabilera bakarreko idatzizko euskarriak
(Ahozapiak, mahaigainak...)
% 60
360 euroko mugapean
% 50
300 euroko mugapean




Zeinek egin dezake eskaera

  • Merkataritza edo ostalaritzako establezimendua Donostiako udalerrian duten pertsona fisiko edo juridikoek.
Betebeharrak
  • Establezimendua Donostiako Udalerrian kokatuta egon beharko da.
  • Errotulua zuzen idatzita egongo da edo ez du izango akats gramatikalik.

Noiz egin daiteke eskaera

2020/06/10 - 2020/12/31

Baldin eta dirua lehenago agortzen ez den

Beharrezko dokumentazioa

  • Izapide honetan zehaztutako eskaera eredua erabiltzea derrigorrezkoa da
  • Nortasun Agiria –NAN– edo agiri baliokideren bat.
  • Fakturaren originala eta ordainketaren egiaztagiria.
  • Elementua jarrita dagoela frogatzen duen argazkia; elementu bat baino gehiago denean, guztiena aurkeztu behar da, hau da, establezimenduaren kanpoko errotulazio osoaren argazkia aurkeztu behar da.
  • Eskatzaileak bere zerga betebeharrak (Foru Ogasunekikoak eta Udal Zerga Biltegiarekikoak) nahiz Gizarte Segurantzarekiko betebeharrak egunean dituela frogatzen duten agiriak.

Eskabide orrian bertan eskakizun horiek betetzen direla ofizioz egiaztatzeko baimena sinatzen dutenek ez dituzte aipatu ziurtagiriak aurkeztu beharko.

Ordainketaren zenbatekoa

Doakoa

Ebazpen eta isiltasun zentzuaren epea

  • Estimatutako epea: Hilabete bat
  • Epe legala: 6 hilabete
  • Isiltasun zentzua: Aurkakoa

Prozesuaren urratsak

  1. Oinarriak argitaratu
  2. Eskabidea eta dokumentazioa erregistratu
  3. Dokumentazioko akatsak zuzendu, hala badagokio
  4. Behin betiko ebazpen proposamena egin (Zinegotzigoak sinatu behar du)
  5. Diru laguntza eman edo ukatu izanaren jakinarazpena bidali
  6. Diru laguntzaren zenbatekoa ordaindu

Izapidearen arduraduna

Departamentua: Euskara Zerbitzua

Araudia

Erlazionaturiko tramiteak

Bestelako informazio interesgarria

  • Diru-laguntza jaso ahal izateko, lagundutako kanpo errotulua edo barruko hizkuntza paisaia zuzen idatzita egongo dira, hau da, ez du akats gramatikalik edo ortografikorik izango.
  • Izen propio, toponimo, akronimo eta abizenak soilik adierazten dituzten errotuluek eta gainerako elementuek ez dute diru-laguntzarik jasoko. Behin-behineko pankartek ere ez dute diru-laguntzarik jasoko, establezimenduaren errotuluak egonkorra izan behar du eta.
  • Eskatzaileak Udalaren kontrol eta egiaztapen lanak erraztu beharko ditu.
  • Bi hizkuntza ofizialak erabiltzen direnean, euskararen presentzia, gutxienez gaztelaniaren parekoa izango da diru-laguntza jaso ahal izateko. Testuak zutabeka daudenean, euskara ezkerrekoan jarriko da. Era berean, bi orritan bereizita daudenean, eskuineko orria euskararentzat eta ezkerrekoa gaztelaniarentzat edo beste hizkuntza batentzat izango da.
  • Bi hizkuntza ofizialak erabiltzen direnean errotuluan, euskararen presentzia gutxienez gaztelaniaren parekoa izango da. Bestalde, orri berean hizkuntza ofizialak ez ezik, beste hizkuntza batzuk ere daudenean eta batera ez doazenean, edukiak osorik eta jarraian joango dira hizkuntza bakoitzean honako hurrenkeran: euskaraz, gaztelaniaz, frantsesez eta ingelesez.
  • Euskara hutsez egindako errotuluarengatik diru-laguntza ematen denean, kontuan izango da establezimenduaren kanpo errotulazio osoa. Beste errotulu bat edo gehiago badu euskara ez den beste hizkuntza batean, kanpo errotulazio osoan euskarak duen presentzia aztertuko da eta horren arabera emango da diru-laguntza.

Informazio gehiago

Datu babesa

Aurkibidera itzuli Atzera itzuli