Udalaren antolaketaren barruan, Donostiako Etxegintza Enpresa Erakunde Publikoa arduratzen da Donostiako Udalaren etxebizitza-politika gauzatzeaz.
Erakundearen eginkizun nagusiak honako hauek dira: babes publikoko etxebizitzen eta bestelako babes-figuren (zuzkidura-apartamentuak, gazteentzako eta adinekoentzako apartamentuak) sustapena eta esleipena; errentamendu-erregimeneko udal-etxebizitzen kudeaketa; eta hutsik dauden etxebizitza pribatuen alokairua sustatzea, Alokabide programaren bitartez. Kokapena eta ordutegiak:
Helbidea: San Martzial kalea, 2. 20005 DONOSTIA/SAN SEBASTIAN. Mapa
Ordutegia: astelehenetik ostiralera, 09:00etatik 14:00etara.
Etxegintzan, osasun-krisia dela-eta aurrez aurrekoak ez diren bideak indartzeko, eta gure zerbitzuaren izapideak arintzeko, QR sistema bat aktibatu dugu, edo erantzun azkarreko kode bat, modu azkar, erraz eta eskuragarrian, herritarrei aukera ematen diena aldez aurretik hitzordua lortzeko beren gailu mugikorraren bidez.