1986 urtetik, urtero San Sebastian Eguneko jaia iristen denean, Donostiako Udalak Hiritar Merezimenduaren Domina ematen dizkie hiriari izaera bereziko zerbitzua eskaini dioten pertsonei edo entitateei.

DOMINAK, HAUTAKETA PROZESUA

Azaroaren 20tik hasita, erroldatuta dauden donostiarrek Hiritar Merezimenduaren Dominak aukeratzeko proposamenak aurkeztu ahal izan dituzte abenduaren 3ra bitartean. Herritarrekin batera, hiriko elkarteek ere hautagaiak aurkeztu zitzaketen. Proposamenak internetez egin ahal izan dira udalaren web atarian.

Proposamenak egiteko epea amaitu ondoren, abenduaren 4tik 15era bitartean Idazkaritza Nagusiak eta Herri Partaidetza zerbitzuak herritarrek aurkeztutako proposamenak aztertuko dituzte, baldintzak betetzen dituzten proposamenak zerrendatu, sarirako proposatu diren pertsona edo erakunde bakoitzaren merituak eta saria ematea justifikatzeko garrantzitsuak diren datu guztiak jasoko dituzten banakako espedienteak osatuko dira eta txosten bat egingo dute. Txosten hori Udaleko Bozeramaileen Batzordera bidaliko da, eta, bertan, baldintzak betetzen dituzten proposamenak udal-taldeek aurkeztutakoekin batera baloratuko dira.

Abenduaren 15etik 18ra bitartean Bozeramaileen Batzordeak gehienez 5 hautagai aukeratuko ditu eta saria jasoko dutenen izena jakinaraziko da abenduaren 18an: Hori egin ondoren, Udalbatzak berretsiko ditu saritu horiek, eta saridunek urtarrilaren 19an jasoko dituzte dominak.

2024ko sarituak https://www.donostia.eus/home.nsf/0/DC48F494581D330CC1258A8B004690F4?OpenDocument&idioma=eus