Donostiako Udalak partaidetza prozesu bat ireki du, bizilagunekin batera hausnarketa egiteko Loiola zeharbidearen diseinuaz, zeharbidearen erabilera eta gune hau osatuko duten elementuen banaketaz.
2016ko udaberrian hiru parte-hartze saio antolatu zituen Udalak: apirilaren 28an, maiatzaren 3an eta 5ean.
Uztailaren 14ean laugarren bilera egin zen, eta auzotarrek Vaum Arkitektoak taldeak aurkeztutako proiektuaren definizioa ezagutu ahal izan zuten.
Bostgarren bilera irailaren 22an egin zen, 80 auzotarren partaidetzaz.
Bilerak hasi baino lehen egin zen prentsaurrekoan, Duñike Agirrezabalaga, Herri Partaidetzako zinegotziak adierazi zuen “Loiolako bizilagunekin aztertu nahi dugu auzoa zeharkatzen duen zirkulazio bideetako batentzat zer nolako zeharbidea nahi duten”. “Aintzat hartu beharra dago errepide horrek bere mugak dituela egun Euskotren egiten ari den obren ondorioz eta haiei, laster, Donostialdeko metro-geltoki berriaren eraikuntzarenak batuko zaizkiela. Gainera, kontuan izan behar dira, halaber, epe motzean Txomin Enearen lehenengo fasean hasiko diren obrak, haiek ere eragina izango baitute zeharbidean”.
“Helburua proiektuan interesa duten alderdien artean ahalik eta adostasun handiena topatzea da, eta Loiolako auzoak azken hamarkadetan eta errepide horren ondorioz izan duen banaketarekin behingoz amaitzea. Gaur egun, hiri barruko errepide bat da eta etorkizunean hiri inguruneko tratamendu hiritarra izan beharko luke”.
Hainbat ikuspuntuetatik aztertuko litzateke proiektua; irisgarritasuna, genero ikuspegiarena (ez dadila gune kritikorik egon), desgaitasunena, haurrena eta adineko pertsonena.
Fase ezberdinak izango zituen partaidetza prozesua antolatu zen eta herritarrek proiektua hobetzeko eraikuntza kolektiboan parte hartzeko gonbitea jaso zuten.
Lotura daukaten arloetako zinegotziek hartu zuten parte bileretan. Bilera dinamizatzen eta informazioa eskaintzen egon ziren ere Proiektuetako eta Obretako Zuzendaria, Herri Partaidetzako Arduraduna, obraren udal arduradun teknikoa eta Herri Partaidetzako teknikariak. Obraren esleipenean parte hartuko duten eraikuntza enpresen ordezkariak ere bileretan parte hartu zuten.
APIRILAK 28 LEHEN SAIOA |
|
---|---|
MAIATZAK 3 BIGARREN SAIOA |
|
MAIATZAK 5 HIRUGARREN SAIOA |
|
Bileren bi faseen artean Udalak proiektua definitzeko esleipena egin zuen.
Uztaila eta Irailean egin ziren proiektuen aurkezpenak.
UZTAILAK 14, LAUGARREN SAIOA |
|
---|
UZTAILAK 22, BOSGARREN SAIOA |
|
---|
Prozesuaren emaitzak xehetasun gehiagorekin jaso dira memoria batean, esteka honetan eskuragarri dagoena.
Parte hartu duten pertsonen bataz bestekoa bilera bakoitzeko 40/45 pertsonakoa izan da, eta azken bileran 80 pertsona izan ziren.