GAZTE EKIMENAK

Jarduera hauen bitartez zure inplikazio eta partehartzea bilatzen dugu bereziki: zuek proposatutako gauzak edota zuek bultzatutakoak.


Jakingunea
Guztiok dugu zerbait eskaintzeko eta bestei irakasteko.
Zein da zure trebetasuna?
Proposa ezazu zure Gaztelekuan eta elkarrekin antolatuko dugu saioa!

Ekintza hauen bitartez, lagun berriak egin ditzakezu eta besteengandik gauza berri asko ikasi.

• Sukalde errezeta berriak.
• Dantza teknikak.
• Ikasteko trikimailuak.

Gaztelekua auzoan
Gaztelekua ere auzoko parte gara. Horregatik, auzoko jaietan parte hartzen dugu tailerrak, jokoak eta abar antolatzen.
Gainera, batez ere eguraldi ona gerturatzen denean, hainbat jaialdi edo ekintza antolatzen ditugu kalean.

Giza eskubideen aldeko gazteen margolanen lehiaketa
Donostian urtero egiten den lehiaketa hau, aukera ezin hobea da giza eskubideen inguruan pentsatzen jartzeko.
Azken edizioan, hainat sari irabazi ditugu Haurtxoko eta Gaztelekuetatik aurkeztutako lanekin!
Irabazleak.
Anima zaitez zu ere hurrengoan!























Beldur barik
Indarkeria sexistaren aurkako programa honek lehiaketak, topaketak eta hainbat ekimen bultzatzen ditu.
helburua, jarrera hau saihestea eta Beldur barik! jarrera izaten ikastea da.
Ekintza horietako bat, Beldur Barik bideo lehiaketa izan da eta hainbat Gaztelekuk parte hartu dugu. Bideoak.
Anima zaitez zu ere hurrengoan!























Antzerki musikala
Bidebietako Gaztelekuan, aurreko ikasturtean bezala, 2015eko azarotik 2016ko maiatzera bitartean antzerki musikal bat prestatzen aritu gara.
“Aste gazte” jarri diogu izenburua.
Oso ondo pasa dugu, gidoiak idazten, dantzen proba saioak egiten, jantziak prestatzen... eta “Olatu talka” jaialdian erakutsi dugu egindako lana.
Primeran geratu da! Ikusi nahi al duzu?
Bideoa.

Birziklatu
2014-15 ikasturtean zehar, Martuteneko Gaztelekuko talde batek bizikletak konpontzeko ikastaro bat egin zuen.
Astero elkartzen joan ziren, bizikletaren zatiak ezagutzeko, konponketa txikiak egiten ikasteko,...
Maiatzean, “Olatu talka” jaialdiarekin bat eginez, ikasitakoa auzoan erakutsi ahal izan zuten Haurtxokoarekin batera egindako “Udaberrifest” jaialdian.

2015-16 ikasturte honetan zehar berriz, Egiako Gaztelekuko talde bat zura lantzen aritu da,
bizikleta eta patinentzako gynkana baterako behar ziren elementuak sortzeko.
Primeran geratu da!

Zibergune
Badakigu bideo jokoek txoratzen zaituztetela.
Horregatik, hainbat Gaztelekuetan, hainbat gazte taldeek zenbait jaialdi antolatu dituzte bideojokoen inguruan.
Jaialdi hauek, haur, nerabe eta gurasoei zuzendurik egon dira eta bertan bideojokoetan jolasteaz gain, adin bakoitzarentzako bideojoko egokienak eta hauen erabilera zuzena eta izan ditzaketen arriskuen inguruko buruzko informazioa jasotzeko aukera izan dute.

Gazteforum
Urtero bezala, zenbait Gazteleku Hezi Zerb elkarteak antolatzen duen eta Gipuzkoako hainbat herrietako taldeek parte hartzen duten “Gazteforum” lehiaketan parte hartu dute.
Talde parte hartzaile bakoitzak, gai bat aukeratu du eta film labur, dokumental, bideoklip edo fotomuntaia bat sortu du.
Aukera ona izan da, taldean arduratu edo interesatzen zaizkizuen gaien inguruan hitz egin eta pentsatzeko. Bideoa.