Donostiako Udalak Giza Eskubideen Adierazpen Unibertsalaren zenbait edizio argitaratu ditu Giza Eskubideen Nazioarteko Egunarekin bat etorriz, abenduaren 10ean. Donostiak, Nazio Batuek 1948an aldarrikatutako Giza Eskubideen Adierazpen Unibertsalaren printzipioekin bat egin ez ezik, sustatu egiten ditu. Aldarrikatu zirenez geroztik urte franko joanagatik, eta aldarrikatzen dituen eskubideak agerikoak irudituagatik, oraindik ere gehiegitan urratzen dira munduko bazter guztietan.