Udalak plakak jarriko ditu hiru polizia nazionalen omenez

Ginés Pujante, Juan Bautista Peralta eta Miguel Orenes ETAren biktima izan ziren duela 46 urte, eta datorren larunbatean gogoratuko dira Loiolako Kuartelen aurrean

Donostiako Udalak hiru plaka jarriko ditu datorren larunbatean, uztailak 5, Ginés Pujante, Juan Bautista Peralta eta Miguel Orenes 1979an ETAren biktimak izan zirenen omenez. Hauekin 35 izango dira Udalak Donostian terrorismoaren eta bortizkeria politikoaren biktimei gune publikoan ikusgarritasuna emateko ekimenaren barruan jartzen dituen plakak. Ekimen hau duela bi legealdi jarri zen martxan.

Ekitaldia datorren larunbatean izango da, uztailaren 5ean, 12:00etan, Loiolako zeharbidearen eta Aralarko Mendilerroa kalearen arteko elkarguneak sortutako plazan (Kuartelen aurrean). Beste batzuetan bezala, omenaldi xume bat izango da, eta bertan parte hartuko dute Eneko Goia Donostiako alkateak, udaleko taldeetako ordezkariek eta biktimen senideek.

Ginés Pujante García – 41 urte, bi seme eta Polizia Nazionaleko sarjentua –, Juan Bautista Peralta Montoya – 30 urte, hiru seme eta Polizia Nazionaleko kaboa – eta Miguel Orenes Guillamón – 29 urte, seme bat eta Polizia Nazionaleko kaboa – murtziarrak ziren, eta Murtziako Polizia Nazionalaren erreserba-konpainia orokorreko kide ziren.

Loiolako Kuartelera eraman zituzten, errefortzu gisa terrorismoaren aurkako borrokan, eta 1979ko apirilaren 6an iritsi ziren Donostiara. Hurrengo gauean, apirilaren 7an, kaleko jantzita itzuli ziren kuartelera, ETAko zenbait terroristek ibilgailu batetik metrailatu zituztenean. Horietako bi berehala hil ziren, eta hirugarrena bizirik iritsi zen oraindik Ospitale Militarrera, baina ospitaleratu eta gutxira hil zen.

Terrorismoaren eta indarkeriaren biktimen omenezko plakak

Horrela, Udalak ekimen hau garatzen jarraitzen du gure hirian hil ziren terrorismoaren eta motibazio politikoko indarkeriaren biktimen memoria eta ikusgarritasuna espazio publikoan berreskuratzeko.

Orain arte, 32 plaka jarri dira biktima hauen omenez:

ETA-REN BIKTIMAK (25)

• Juan Maria Araluce
• José María Elícegui Díez
• Antonio Palomo Pérez
• Luis Francisco Sánz Flores
• Alfredo García González
• Gregorio Ordóñez Fenollar
• Francisco Martín González
• Fernando Múgica Herzog
• Rafael Garrido Gil
• Daniela Velasco Domínguez de Vidaurreta
• Daniel Garrido Velasco
• Miguel Paredes
• Elena Moreno
• Eugenio Olaciregui Borda
• Francisco Javier Gómez Elosegi
• José Ángel Santos
• Josu Leonet,
• Juan de Dios Doval Mateos
• Miguel Ángel Iñigo Blanco
• Juan Antonio Marcos González
• Manuel Orcera de la Cruz
• Antonio Pastor
• Moisés Cordero
• Lorenzo Motos Rodríguez
• Santiago Oleaga Elejabarrieta

KOMANDO AUTONOMO ANTIKAPITALISTAK TALDEAREN BIKTIKAK (3)

• Enrique Cuesta
• Antonio Gómez
• Juan Manuel García Cordero

DRIL TALDEAREN BIKTIKAK (1)

• Begoña Urroz Ibarrola

BATALLÓN VASCO ESPAÑOL TALDEAREN BIKTIKAK (1)

• María José Bravo del Valle

POLIZIAREN EKINTZAK ERAGINDAKO BIKTIMA (2)

• Joseba Barandiaran Urkola
• Mikel Zabalza Garate