Cristina Garcia Roderoren "Ametsen lurraldea" erakusketa aurkeztu dute. Aurkezpenean Eneko Goia Donostiako alkateak, Juan Pedro Badiola Caixabankeko Iparraldeko Lurralde zuzendariak, Sonia Saenz "la Caixa" Fundazioaren Euskadiko eta Kantabriako ordezkariak eta Cristina Garcia Rodero argazkilari eta erakusketaren egileak parte hartu dute .
Aurkezpenaren ostean, Anantapurreko (Andhra Pradesh estatuan) biztanleen eguneroko bizitza islatzen duen argazki erakusketa zabaldu du gaur. Zehazki, Indiako eremu pobreenetako bat da, eta bertan bizi dira herrialdeko komunitate baztertuenak eta ahulenak.
Gainera, Artea Kalean programarekin, "La Caixa" Fundazioak espazio publikoa aire zabaleko museo bihurtu nahi du, eta nazioartean sona handia duten artisten lana hurbildu nahi du. Oraingoan, Garcia Roderok India ikusteko modu berezi bat proposatzen digu, mundu konplexu eta zatikatua. Guztira, 40 argazki dira, eta ikusmen-kode koherentea eta, batez ere, transzendentea osatzen dute. Argazkilariaren eskutik, bertako jendearen begirada ezagutuko dugu eta denboran zintzilik dagoen paisaia batean murgilduko gara.
Ametsen lurraldea. Cristina Garcia Rodero
Lekua: Alderdieder lorategia. Donostia
Datak: 2020ko urriaren 13tik azaroaren 4ra arte
Iraultza bat begiratzeko paradigman
Cristina Garcia Rodero argazkilaritza unibertsalaren babeslea da, bai bere nortasunagatik, bai bere lanak nazioan eta nazioartean duen oihartzunagatik. Puertollanon (Ciudad Real) jaio zen 1949an, eta Arte Ederretan lizentziatu zen Madrilgo Complutense Unibertsitatean. Magnum fotokazetaritza agentzia ospetsuan sartu zen lehen espainiarra izan zen.
Sari ugari jaso ditu, besteak beste:
World Press Photo 1993
Argazkigintza Sari Nazionala 1996
FotoPres "la Caixa" 1997
Photoespaña 2000
Godó Argazkilaritza Saria 2000
Photoespaña 2017
Merezimenduaren urrezko domina:
Arte Ederrak 2005
Gaztela-Mantxa 2016
Gainera, bere jaioterrian museo propioa izan duen lehen argazkilari espainiarra da.